阿癲與阿臣

上次小M嚟探我對小蟹時，問我佢地叫乜名，我先醒起原來我係未幫佢地改名哦~

因為我成日都係蟹仔蟹仔咁叫佢地，都係要叫番個名親切D！

經過我同大肥豬一段時間嘅觀察，終於都諗到改乜名啦~

首先依一隻白色小蟹~佢就叫『阿癲』，點解叫阿癲？因為佢可以同一日換左三次殼，仲要係短時間內完成，次次都唔俾我睇佢換殼個樣。加上又好鬼活躍，勁鐘意爬樹，都真係癲癲地，所以改佢做『阿癲』冇改錯名啦！

到依隻紅色小蟹~佢就叫『阿臣』，經過佢兩次驚嚇裸體事件，都估佢係神神地。原本想改佢做阿神，不過好似唔係咁好聽，所以決定改個同音字做『阿臣』啦！

哈哈...阿癲與阿臣...係唔係好好聽呢？大家要記住佢地啦！