去APM影福娃

今日放工如常搭車去奶奶屋企食飯，當我去到觀塘地鐵時，大肥豬打嚟話奶奶去左街街，所以唔洗返去食飯。

原本都有考慮過買少少野返屋企煮嚟食，不過懶豬上身咁想偷懶，所以就約埋大肥豬去拍拖行街街，之後食埋飯先返屋企啦！

我地約左係APM等，一入到APM真係好有奧運氣氛，有個大電視播緊比賽節目，仲有幾個福娃呀！

一見到D福娃就走埋去影相啦~

好在我有個習慣相機跟身，如果唔係都影唔到依幾個得意嘅福娃呀！

影完相之後，我地就去左元氣等食飯。我地已經算早啦....都要等幾張枱先有位，真係勁呀！都唔明白間間元氣都係無時無刻咁多人排隊。

食飽飽....行多陣就返屋企啦....因為要返屋企睇奧運嘛！