同陽光玩遊戲

今日風和日麗....陽光普照，最適合做嘅活動當然係同陽光玩遊戲啦，所以今日就帶埋LULU妹，三人行去左石澳玩啦！

嘩...今日真係超多人，一入到個沙灘真係只見到好多好多嘅太陽傘。

我都好耐冇去過沙灘玩，由於我地都冇打算去游水，所以都冇準備到泳衣，都係打算行吓沙灘，享受吓個陽光咁啦！

我地行左一陣，就係沙灘前搵到一個靚位，就開始我地同陽光玩遊戲啦！

雖然係都好晒又好熱，不過坐係個沙灘度睇其他人玩水又幾舒服哦。

休息左一陣，大肥豬就訓左係度晒太陽，咁我就同LULU妹去玩水，其實我地就想睇吓有冇蟹仔同貝殼執。

點知都係冇收獲，真係蟹影都見唔到呀...不過就見到好多垃圾，唉....真係唔明白點解D人咁冇公德心，攪到個海灘咁DIRTY。

玩到有少少倦我就番去大本營休息。之後大肥豬就陪LULU妹去捉魚仔，遠望佢地兩個捉魚個情況，都真係好得意，好似兩個大細路咁。哈哈~~

大家都玩到倦倦地，我地逗留左差唔多兩個幾鐘之後就走。不過我地三個都係玩得好開心，仲話下次會再去沙灘玩，到時就會著埋泳衣玩，方便D唔洗怕整污穢D衫嘛！