韓燒宴

今日放工就即刻同班同事一齊走人，因為我地有個重要節目，就係一齊去食韓燒啦！

我地時間剛剛好，去到可以食happy hour時間(即5:30-7:30)，平幾十蚊嘛！哈哈~~

雖然我地係食happy hour時間，不過佢地D野食又幾OK，都幾乾淨，又有好多熱食供應，都差唔多啦！

當我地個韓燒宴開始時，我唔係去拎肉類去燒，而係同糖糖去攻佢D三文魚，真係傻傻地，去韓國地方食日本野。不過冇法啦...我依個三文魚怪點會放過呀...哈哈！

食左一輪三文魚，終於食正常野啦！我燒左好多豬肉..魷魚...，好多係濃濃地呀。唔緊要啦，又唔係成日食，濃濃地都幾香口呀.....哈哈~~不過我成晚最成功就係炒金菇，冇濃之餘都幾香呀！

食都一半時，竟然俾我發現到有雪糕食，我依個雪糕怪當然又唔會放過機會，即刻去拎啦。我仲好叻咁整左三球雪糕加啫喱，個賣相都幾OK呀！

我地邊玩邊食邊影相，個個都食到好飽飽咁走，都真係好開心，快樂不知時日過，話咁快就夠鐘要走人啦！

我地食完韓燒之後，我地成班仲去左銅鑼灣地帶扭蛋，平日都唔多扭蛋嘅我，都貪得意扭左兩隻添。

第一次扭到就係米奇公仔，之後我地『莊』到好似係MARIE，咁就去扭啦。結果...真係MARIE呀！(哈哈~~真係麻煩晒糖糖幫我去偷窺啦~)

今日玩得好開心呀，真係要攪多D活動一齊去玩先得！