又再擔心.....放心晒啦！

每日返到屋企，第一時間就係去睇吓我對蟹仔，睇吓佢地有冇乜問題。

今日當我睇到紅色小蟹時，真係又俾佢嚇親，成隻蟹仔離開左個貝殼，仲爬左去另外一邊呀~

其實依隻小蟹都唔係第一次裸體咁走出嚟，上星期都試過一次，最後LULU妹就教左我一個方法，等佢返入個貝殼度，當然上次係冇事，好快就返左入個殼度啦！

有上一次嘅成功，今次我又依LULU好個方法，俾個隔離病房紅色小蟹。我今次仲放多兩個殼等佢有得選擇，揀個舒服嘅殼。

不過.....都過左成兩個幾鐘，小蟹都係仲未返入個殼度(上次唔洗一個鐘就入番去啦)，真係令人好擔心呀！

雖然之前都試過一次，不過都總係好驚，因為睇個一D網站介紹，蟹仔裸體都唔係一件正常事，佢仲唔係第一次添，你都唔好話唔驚，真係好驚佢會.........

希望聽日一起身就可以見佢番入個殼度啦！

經過一晚嘅隔離，今朝起身就見到小蟹番左入個殼度啦！

不過..今次佢唔係入番自己個殼，入左另一個細少少嘅殼度。

一放番落去個缸時，佢又好活躍咁爬吓爬吓啦！

依家真係放心晒啦！哈哈哈~~~