朋友仔到訪

今日我地屋企又熱鬧起上嚟，因為大肥豬約左幾位大學同學仔上嚟玩..傾吓計，同埋參觀一吓我地個新居！

依幾位朋友仔都有嚟參加我地個婚宴，之前又見過一次面，所以都唔係太陌生嘅感覺。大家上嚟都係玩吓GAME...Will....，當然都有放到我地結婚dvd俾大家睇啦！哈哈...今日睇番都好似仲係剛剛發生咁，都仲幾回味。

除左睇我地隻結婚dvd之外，大肥豬其中一位同學又係早我地幾日結婚，所以佢又拎埋隻碟俾我地睇。

睇住兩套dvd，我真係懷疑我地係同一間攝影公司，因為好多都係好似。哈哈..最後證實當然係唔同公司啦！可能基本上間間攝影公司用嘅軟件都係差唔多，所以相似度有98.9%啦！

原本打算落街食泰國嘢，不過為怕人多難搵位，所以最後都叫左外賣pizza box。今次又幾好哦，一打即通，仲好快咁送到嚟添，可能佢地改善左個服務啦！

大家傾多陣計，睇吓電視..因為有D朋友仔住得比較遠，所以九點幾就走啦...

今日大肥豬就非常開心，不過可能我仲未完全好番晒，所以唔係太在態度，所以有少少倦倦地，希望佢地唔好介意招呼得唔係太好啦~