潮流興玩蟹

尋晚返小豬媽屋企食飯，俾我係LULU妹房發現左一D新野.....就係一個魚缸

依個魚缸就唔係用嚟養魚，我睇左好耐先知係用嚟養寄居蟹。

LULU妹嘅兩隻寄居蟹

等左好耐先影到隻蟹，不過當我一睇埋少少，佢又縮番入去個殼度呀！

除左LULU妹有養之外，我細佬都有養，佢地每人一間房就養一缸。小豬媽屋企就多左四隻小動物啦！

我都係第一次見寄居蟹，聽LULU妹講原來依家係興養寄居蟹，佢仲不停咁講養寄居蟹要注意嘅嘢我知，好似變左一個小專家咁，真係俾佢講到有少少心動去買番隻嚟養呀！哈哈~~

我地仲約左小豬爸、小豬媽星期日一齊去金魚街睇，到時如果真係抵玩，都想買隻嚟玩吓呀.....