今日返左去奶奶屋企食飯，當係未開飯嘅時候，我就會習慣返入大肥豬之前間房坐係度睇吓雜誌等食飯。
今日我如常咁坐入房等食飯時，點知奶奶突然間係廚房煮緊飯都走左埋入房，神神秘秘咁俾左D野我。
就係依盒喉糖啦~
原來奶奶之前見我成日喉嚨唔舒服，所以係行超市時，見到依盒喉糖就買左俾我啦！
當我收到時，都真係幾感動，佢老人家係行街有掛住我。覺得自己真係好好彩，有一個關心我嘅奶奶。
雖然依盒喉糖對我喉嚨痛都可能未必咁有效用(因為都係同普通糖差唔多)，食落又好似真係幾好咁....(哈哈~~唔知係唔係心理作用呢！)
沒有留言:
發佈留言