又打嚟

係上個星期六曾經收過一位自稱係某纖體公司職員打嚟，佢一嚟就知道我姓乜，又話我係曾經打過俾佢地問有關纖體服務，依家打嚟係回答問題。

當我話冇打過俾佢地時，個職員又話佢公司依家做緊一個代言人活動，問我有冇興趣。因為嗰時準備緊整打邊爐嘢，所以係佢未講完嘅時候，我就話冇興趣…收左佢線。

當時真係好出奇，點解佢地會知我D資料。因為我係唔信靠依D公司就可以減肥，覺得依D依呃人多，所以基本上我係唔會同依D公司有任何接觸。

點知…今日放工途中又收到依間纖體公司電話，又係講番同一段說話，真係勁煩呀！已經同佢講左曾經有人打過俾我，叫佢地唔好再打嚟！

問佢地點解會有我D資料時，個職員又話係我曾打過去佢公司。咁我話冇打過去時，佢就講得唔清唔楚，都冇正式答我問題就收左我線。

真係好唔明白，點解佢地會有我嘅資料，唔知會唔會係平日寄抽獎嘢嘅時候，俾人拎左D資料。依家諗諗吓都真係覺得驚驚地！