又一份情侶裝禮物

今日小肥媽同朋友去行街街，由朝行到晚，真係開心啦！(真係超羨慕呀！不過小豬媽日日都要返工，難得有假期就俾佢行吓街街啦！)

點知當食晚飯時，小豬媽就第一時間拎左一對情侶裝電話頸繩出嚟，話係最新款式，送俾我同大肥豬，等我地又多一樣野係情侶裝哦！(真係俾佢笑死呀！成日都買情侶裝俾我地！)

除左係情侶裝之外，個顏色都有玄機呀！因為睇相書話大肥豬戴藍色嘅野會旺D，就係依個原因，小豬媽就買依個顏色啦！

小豬媽真係細心，好耐之前講過吓藍色會旺大肥豬，原來佢記得呀~~真係好錫我地呀！

雖然藍色唔旺我，不過唔緊要，旺大肥豬咁即係旺我啦！哈哈