時間真係好似過得好快，唔經唔覺仲有兩個月就到我個大日子啦！依家個心情真係既緊張又擔心呀！
緊張係唔知到大日子嗰日會點呢？因為依個月又係兩個朋友仔嘅大好日子，見到佢地都會諗到時會點呢？個心情就會開始緊張啦！有時都會發夢夢到自己個婚禮~~真係好緊張呀！
擔心就係唔知仲有乜未做，好多大件嘅野都好似已經攪好，應該仲有租車同過大禮未攪，不過應該好快就可以攪好。
但總係覺得好多濕碎野未攪，不過又唔知係乜！諗極又唔知係乜，明明寫好晒個LIST要做D乜，但都成日心總係仍住仲有整未攪，唔知點好呀~~~真係擔心。不過可能係我自己過份擔心啦！
仲有個RUNDOW，上次車車幫我整左個草稿之後都未再整過.......唉！真係一個字『懶』，時間真係唔多啦~~真係要繼續努力先得啦！
沒有留言:
發佈留言