由籌備婚禮開始到現在，網誌都有十年了。一位全職傻媽及親子博客，喜愛利用網誌記錄我家嘅親子育兒及烹飪食譜。 讓Kinsey擁有一個快樂童年是我的目標，繼續分享我們這一家的生活傻事，見証Kinsey的成長。
今日放工就同大肥豬去金都拎我地隻成長MV。間攝影公司真係好快手，話一個禮拜就真係有啦！
原本都有少少期望，因為始終都係睇我地由細細個都大嘅MV。不過....一睇之下，又真係普通左少少，總係好似欠左少少，不過大肥豬就話幾好。唉~~唔知係唔係我嘅要求高呢？
係攝影公司睇左一次之後就返屋企播左一次屋企人睇啦！
點知小豬爸一邊睇我地細細個嘅相，一邊係度笑，又話好靚好好睇，咁我先放心少少呀！
不過，有一個問題就係....唔知點解當我地睇睇吓時，隻碟跳線呀，用晒屋企幾部DVD都跳呀......唔知係唔係燒碟問題呢？
我已經打電話同攝影公司講，叫佢再燒多一隻DVD俾我。不過又要去多金都多一次啦！
我唔UPLOAD成長MV上嚟啦，等去我婚宴嘅客人有驚喜呀！
前兩日除左去酒樓拎隻婚紗DVD之外，酒樓經理仲俾張佢地送嘅簽名布我地睇呀！
一睇之吓，真係好靚，比新天地送嗰張靚好多呀！真係完全冇諗過酒樓都有咁多好野。
張相同個景又好襯，特別係好似同我個花球一SET咁，大家都係粉紅色玫瑰呀，真係越睇越鐘意呀！
依家張簽名布放左係酒樓，等嗰日先可以再睇到啦！
不過咁都好，早D擺係酒樓，到時可以拎少D野去嘛！
同小豬媽去完酒樓試碟之後，見有時間當然做我地女人最鐘意嘅興趣，就係SHOPPING啦！
原本都冇打算買野，都係行吓街睇吓野就算，點知當我地行過影CD鋪，見佢地不停係咁播SAMMI演唱會隻碟，作為忠實FANS嘅我，當然第一時間衝入去買左隻DVD啦！雖然已經睇左個演唱會，不過總係都要買隻DVD嚟 KEEP吓先好嘛！
之後繼續行街街.....又俾我見到我另一種至愛，就係ANNA SUI又出左支新香水啦！有儲開佢嘅香水，當然又買左一支啦！
今次個樽真係好靚呀，我個ANNA SUI家族又多一名成員啦！哈哈~不過唔再幫佢地影全家幅，因為俾大肥豬見到又話我呀！
買完依兩樣野，我都已經銀單盡失，所以都冇再買野啦！
真係又再大洗錢添，真係大出血埋今次唔可以再買咁多野，留番D錢去攪結婚野啦！所以俾我放縱埋今次啦！
係BOOK酒樓時已經知道佢地係會送一隻成長DVD俾我，不過因為已經決定用攝影公司整嗰隻，所以都打算用嚟送婚紗MV。
不過一問之吓原來只可以放25張相，都唔夠我放，再加上糖糖已答應幫我整晒嗰兩輯相，所以都決定主力唔用酒樓依隻。
但既然係送，又點可以唔要咁笨呢(真係師奶仔啦！)，所以最後都決定將兩輯抽25張交俾酒樓整多一隻。
前兩日已經收到電話已經整好，所以今日就同小豬媽上左去睇啦！
原本都以為係免費，佢地會隨隨便便咁整，但經理一拎出嚟又真係嚇左一跳，又幾精美包裝哦！
之後我地就去左影音室試碟啦！一睇之下，都OK啦！但佢地好多張相都CUT短左，冇左我條裙尾，咁就好似冇左個意景呀！可能佢地主張係睇我地個近鏡啦！
依隻碟我打算係敬酒後播，因為我係冇遊戲時間，打算用依段時間同客人影相，咁可以係影相同時都有D其他客人有相睇，雖然席前已經不停播糖糖嘅MV，但敬酒後好似冇乜野做，俾D野客人睇都好呀！
除左試依隻碟之外，我仲拎埋糖糖嗰兩個製成品去試，完全冇問題，真係放心晒！
依家只係差成長MV未試，不過好快應該有得睇啦！
我將酒樓隻DVD轉左做FILE，大家有興趣都可以睇吓啦！
終於都訂左大日子用嘅襟花同手花啦~~
我路都打算係嘅人用絲花，因為好怕真花會好易謝，捱唔到夜晚個婚宴上，咁就唔靚嘛！
一直都打算揀番之前幫我整影結婚相個花球姊姊幫我整，因為佢可以順便幫我執番嗰兩個靚靚花球。我仲打算將個花球加D羽毛同珍珠，等有另一個感覺嘛！(一來可以慳番少少錢，二來又唔好浪費嗰兩個靚靚花球嘛！)
講番今次揀左D襟花先，我揀左三款唔同~~
首先就係俾四大長老嘅襟花，我就係打算黃金色蕙蘭，因為夠貴氣嘛！
之後就揀左依款襟花俾我地嘅家人用！
最後就都我地嘅兄弟姊妹，我決定左用粉紅玫瑰花，簡單得嚟都幾靚呀！
依家就訂貨啦，咁就等到11月中左右就可以拎啦！
我們的婚網~~ http://www.darizi.com/hk/blog/yanyan_hinghing/
繼之前新天地婚紗MV由糖糖用心嘅完成之後，今日終於都完成埋第二輯羅浮宮婚紗MV啦！
一睇之下，整得真係好靚呀！糖糖真係好勁，越整越靚！加埋首歌，完全係冇得頂呀！小豬媽都勁讚好睇呀！哈哈~~
係度真係要再次多謝糖糖幫我完成左兩輯嘅婚紗MV，如果冇佢嘅幫手，我都唔可以係婚宴席前播俾賓客睇，等佢地可以睇到我嘅靚靚婚紗相。因為我冇打算放相簿去酒樓呀！
如果有興趣想睇埋新天地MV，就可以上我地個婚網睇啦！
等埋前幾日影嗰張畢業相，終於都可以去攝影公司交我地隻成長MV相啦！我地都算遲交呀，不過為左等埋張咁有紀念嘅相，都值得呀！
今日一放工就出去金都交我地嘅靚相啦！
不過...好快就有得睇，因為嗰STAFF話一個星期左右就有得睇個製成品，真係既心急又緊張，唔知整得好唔好呢？
雖然我都知會係好SAMPLE FEEL，當然都希望可以有少少特別啦！不過...最緊要整得我靚靚地呀！哈哈
唔諗啦~~等多一個星期就有得睇，到時就知個效果好唔好啦！
好野........又攪好多一樣野啦！
終於都等到可以同大肥豬影畢業相啦！
雖然今日唔係正式行禮，只係係大學入面影相，但當我第一眼見到大肥豬著住成套畢業衫行嚟我身邊時，個心情都唔知點形容，有少少眼濕濕嘅感覺，但又唔可以表露出嚟.....真係有少少感動呀！
因為由佢打算計劃讀埋個大學課程，到開始讀書，之後考試....到最後終於畢業，雖然讀書嗰個唔係我，都總係感覺好似有我份咁。所以真係我仲開心過佢咁呀！
弊啦~~今日都攪成咁，到大肥豬正式行畢業典禮嗰日，見佢上到台嗰時，我真怕我自己忍唔到，到時真係失禮死人啦！
講番今日影相先，其實主要影相都係為左揀一張放入我地婚禮上成長MV嘅相(咁有紀念一定要放啦！)，所以就早左少少去影啦！
除左我之外，小豬媽同LULU妹都有去一齊影呀！原本我地都冇打算話要花花影相，不過小豬媽話影畢業相點可以冇花，所以小豬媽仲送左一扎花俾大肥豬呀！
今日真係影左好多相，真係要多謝小豬媽幫我地影左好多合照，係咁多張入面，我地就揀左依張放入我地成長MV入面啦！(因為貪佢有寫明年份同我地兩個都笑得幾開心，又好靚呀！
當然除左合照之外，大肥豬都影左好多相啦！佢平日都唔係太鐘意影相，不過今日成日叫佢行埋去地方影時，佢都冇意見，仲好乖咁笑得好靚呀！我諗今日係除左影結婚相嗰兩日之外，影得最多單人照呀！
最後我地當然影左一張大合照啦~~睇吓大家都幾開心！
今日去理工影完相之後，就又去左紫水晶攪攪震，不過今次個主角唔係我，係大肥豬同LULU妹呀！
因為上次大肥豬冇跟我去揀最後一次衫，所以就要上去度身同揀埋D配件啦！最後就揀左依套，睇吓都幾型仔呀~~哈哈！
真係激死呀.....大肥豬點都唔肯租多一套白色，又唔知著白色仲型仔，唉...真係冇佢辨法。唔緊要啦，靚嘅話一套已經好好啦！
之後我地就幫LULU妹睇衫啦！開頭都冇打算租衫俾佢，因為LULU妹唔係太鐘意露肉出嚟，加上佢又比較男仔頭，怕著唔到D晚裝裙。
不過...小豬爸就不停叫我地租套衫俾佢，所以就去睇睇啦！點知今日IRIS介紹左依件裙仔俾佢，著上身又幾好睇，又可以配合佢年紀之外，又唔太爆露。
哈哈哈~~真係唔係睇慣LULU妹依個靚樣，我相信到時俾人最大驚喜一定係佢，因為好少見LULU妹咁淑女呀！
今日係大M同小M嘅大好日子，我仲約埋小賢同大賢一齊去觀禮，分享大M同小M嘅開心呀！
不過因為我地都係第一次去金鐘嘅伊甸園，所以唔係太熟路，仲行錯左路，所以當我地去到伊甸園時，佢地都已經過左簽字時刻，唉....真係唔好意思，希望小M唔好怪我地啦！
禮成之後，我地就同新人一齊離開伊甸園到樓下影相啦！由於佢地嘅親友仲未到齊，所以我地就有時間可以跟左新娘子去樓下影左幾張相。哈哈~~不過等新娘子POST左先俾大家睇啦，唔好快過新娘嘛！
小M今日好靚呀，件婚紗又閃又靚，個花球又好靚呀，新娘子當然唔洗講啦~~
仲有呀！小M今日個婚紗LOOK，就係我心目中想係大日子嗰日SET依款嘅頭呀！真係要拎張佢依個LOOK嘅相俾我化妝師睇先得，希望小M唔好介意啦！
我地同對新人SAY-BYE之後，當我地係走途中，大賢仲幫我同小賢影左幾張靚相呀！我地兩個今日好襯咁大家都係著黑色衫呀！哈哈~~真係心靈相通啦！
睇住我兩位好好嘅BLOG友仔都分別完成左佢地嘅婚禮，睇到起時間真係過得好快呀！計吓......仲有一個多月就到我啦，真係有又開始有番少少緊張呀！唔知到我嗰時會係點呢？
係度真係要再次同大M同小M講句：恭喜晒， 祝你地白頭到老，日日都甜甜蜜蜜，繼續恩恩愛愛！
今日小豬媽同契大佬約左佢地住係深圳嘅師兄飲茶，話時話我都好耐冇上過深圳，因為聽過之後有好多唔係太好嘅消息，所以都好怕呀！
不過小豬媽就不停說我去，話好安全.....所以我見放假咪跟埋去，都當行吓街街嘛！
我地先去左羅湖商業城五樓一間酒樓飲茶。
嘩！一入到去酒樓，完全唔似身處係大陸，個裝修真係勁靚呀！之後我地就叫野食，完全估佢唔到原來真係好好味，D野仲好新鮮，特別係佢地有一個天麻魚頭湯，真係勁好飲。我仲冒住肥幾磅嘅危險飲左兩大碗，嚟緊幾日真係要再食少D野先得呀！
之後我地就行左一陣羅湖商業，佢地D野都唔係特別平，個價錢同香港都差唔多，個質數仲好似差D呀！所以我地都冇收獲呀！
不過我今日竟然見到有好多外國人係度買野，真係奇怪，唔知佢地買D乜呢？
今之去羅湖個感覺比之前好左少少，不過都仲係有少少驚，好在都唔洗成日去....
前幾日講過話因為整帖信封時，唔可以直接PRINT人名到信封面，所以就買左透明LABEL，打算貼上去啦！不過唔知係唔係個信封有凹凸面，所以整出嚟真係好唔靚呀！開頭都唔理，打算照用，因為心諗D客人應該唔介意呀！
點知當我俾其中一個信封俾小豬媽睇時，佢即刻話差唔得、差醜樣，怕俾人笑，叫我地如果可以的過再整過。
唉...真係勁失望，仲要白白洗多左百幾蚊買LABEL！
由於小豬媽對信封嘅不滿意，所以我都又再去睇過有冇其他LABEL。點知都係差唔多.....都唔知點好。
原本小豬媽就提意叫小豬爸手寫，因為佢D字真係超靚呀！不過叫小豬爸寫晒咁多又真係幾麻煩，怕佢辛苦呀！所以我就同大肥豬一齊再試吓用PRINTER整多一次，如果唔得先叫辛苦小豬爸。
終於係前晚我地又再試過，整左都幾耐，仲浪費左幾個信封，終於都攪到個PRINTER可以上到個信封，PRINT到出嚟啦！睇見第一個製成品真係超開心呀！
又係時候俾個叻叻大肥豬啦！
雖然係買錯LABEL，不過可以PRINT出嚟，又真係好有成功感呀！
我用左我最大努力，就係尋晚PRINT好晒D信封啦！仲有男家同少少小豬媽朋友未整，整埋就可以入帖，咁就又攪好多一樣野啦！
哈哈~~依兩款就係我酒席上面用嗰枱號牌，係唔係好靚呢？
依D咁靚嘅製成品當然唔係小肥豬整啦！係邊個.......就係成日幫我整野嘅糖糖幫我整呀！
原本都打算自己整，不過我就唔識OUT個人形出嚟，所以就打算就叫糖糖幫我OUT，我自己加工。點知一同糖糖講，佢就即刻話幫我整，仲整晒咁多張枱號碼！
整得真係好靚呀！我真係勁鐘意呀！哈哈哈~
PS：
糖糖~~真係麻煩你呀！成日都有野俾你整，唔該晒呀！小豬媽都勁讚靚呀！
今日同小豬媽、伴娘嘉汶表妹又去左紫水晶揀衫，原本都只係打算改左之前揀好件紫色晚裝，因為我酒樓的佈置大多都係用左粉紫，我唔想撞色就去改啦！點知最後都改左兩件...哈哈！女人真係善變啦！
揀埋今次就冇得再揀啦，因為已經過左三次改款機會，所以都可以PLAN埋邊個時段著乜啦！
首先當然係件五福波浪掛！我諗依件係唯一冇轉過款，因為我對掛完全冇意見，都係小肥媽幫我揀呀！
婚紗都係改左一次，我開頭都對絹唔係太鐘意，不過著左上身又幾OK哦，好似真係著得我好瘦，又好似幾高貴。佢仲有少少閃石，進場時一定好靚呀！
依件晚裝就係我最鐘意嘅一件，因為係我最愛嘅綠色，著上身又好似超合身，之前好多朋友仔都讚依件靚呀！真係好鐘意呀，我會係入席前著，因為可以影得最多相嘛！
依件係今日新揀呀，一試上身，小豬媽同嘉汶表妹一致都話好，所以就揀左啦！不過好攪笑就係.....我開頭都唔係太LIKE，有少少想唔試，但小豬媽就堅持要試呀！不過著左上身睇又好似幾好哦。我打算用嚟敬酒，紅紅地...仲好閃...好SHAPE呀！最好就係著得我條腰好瘦呀！
依件都係新揀呀~~~我打算用嚟送客呀！
講起依件真係超爆開心呀......因為我終於都可以著到A-LINE款啦！証明我依幾個星期嘅努力係冇白費，我真係瘦左啦！哈哈哈......
我開頭都打定輸數著唔到，不過小肥媽又叫我試左先，點知一試，個肚仔都唔係太大，(當然仲有少少啦！不過我今日係冇著D束褲，已經好好啦！)比起上次試A-LINE款已經好左好好好多呀！所以係一個好開心嘅情況下就揀左依條啦！等我再繼續努力，到時一定好睇好多呀！
除左我之外，嘉汶表妹都改左條伴娘裙，都係因為紫色問題要改呀！佢今次改左條紛綠色...都好靚呀！不過唔POST上嚟啦....哈哈
過埋今次就等11月27號去LAST FITTING，咁就攪好晒我D靚衫啦！
去完揀衫之後，我地就出左金都買野啦！原本都只係打算訂過大禮野，點知最後買左勁多野。小肥媽話都出開嚟一次過買埋唔好再嚟哦~~所以都買得七七八八啦，好在有嘉汶表妹幫手拎呀！
講番過大禮先，原本都唔知點好...最後我地都決定買成SET過大禮用品，唔好煩嘛！不過原來係需要回番好多野去男家，所以真係都叫大肥豬找多幾個人幫手先得啦！
訂完之後，就開始大出血啦！睇吓我地買左幾多野。
上1：小豬媽揀嘅敬荼杯
上2：出門用紅傘
上3：靚靚繡花鞋
中1：上頭時著新睡衣同拖鞋
中2：上頭用品
中3：敬荼用跪墊
下1：露指絹手奪
下2：小豬媽買嘅利是封，等我地敬荼時俾我地呀
下3：俾姊妹嘅開門利是封
除左依幾樣之後，當我地經過內衣鋪時就醒起POODLE提我要買套黃色底底，因為旺夫呀！為左大肥豬，對於唔太LIKE咁COLOUR嘅我，都入去買左成SET黃色內衣褲啦！唔知係唔係金都多買喜事野呢，真係比起吉之島嗰D地方多好多黃色野呀！哈哈~~等到上頭嗰日就可能著啦！
今日真係大出血呀！不過好多野都買晒，咁又煩少好多啦！
仲有一個月都唔夠就要過大禮，之後可以開始派帖啦！
不過由上次入好晒D牛油紙落帖之後，都完全冇再攪過D帖，唉…都係賴賴地，成日都冇心機去SET個位PRINT信封，加上好多客人都未知個全名，所以一直都冇理啦！
直到前日發覺時間真係好迫啦，所以先的起心肝整埋個信封SETTING啦！
原來整個SETTING真係好難，又怕整爛個合信封…真係都幾大壓力呀！
好在車車知我個難處，SEND左佢個信封SAMPLE俾我，咁都只係改少少個SIZE就得。開頭都好順利，用左D白紙試位都OK，個位完全冇問題，真係心諗可以好快攪好啦！
不過…當我用真正信封PRINT時，都唔知點解完全唔得，唔係個位唔啱，就係個信封上唔到PRINTER，真係激死呀！
攪左好耐..用左好幾個信封都係唔得，終於都要俾迫放棄。
之後就記得曾經有BLOG友仔講過話用透明LABEL，諗諗吓…又真係好似幾方便，又唔怕整爛個信封。所以尋日就去左間文具鋪買LABEL。
嘩..都真係幾貴呀，不過為左方便冇法啦！
跟住返屋企就開始開工試整啦！又真係幾易，又唔難。雖然容易，但就有一個問題，就係有好明顯嘅貼紙印，可能我個信封有凹凸面啦，仲覺…唉~
雖然未至於好醜樣，不過總係覺得怪怪。
算啦！我都會用依個方法貼人名落信封，雖然係冇直接PRINT到信封咁靚，不過依個方法都唔差呀，好過整爛晒D信封呀！
其實派帖最緊要就係冇寫錯個客人名，其他野就希望佢地唔好介意啦！
尋晚約左車車同POODLE兩位靚太BLOG友仔食飯啦！
由於我尋晚要食素關係，所以之前都諗左好耐去食乜好....最後POODLE就提意去食意粉屋，因為嗰度有好好味嘅鮮果沙律，可能啱我食嘛！點知，原來意粉屋都有好多款素食野，真係啱晒啦！不過就要佢地陪我食少少素啦！
成晚都傾得好開心，雖然我唔係太多野講，不過佢地D話題都好啱聽呀！仲講左好多接新娘遊戲、同要注意嘅野呀~~有D唔講我都唔知呀！真係唔該晒呀！
可能係我太靜關係，兩位靚太都話怕驚襯我......其實係我怕我悶到佢地就真。不過下次再出嚟，我一定會再講多D野呀！
今次飯局仲有另一個目的，就係POODLE幫我解決左我煩惱嘅餅咭問題！
POODLE：真係唔該你同麻煩晒呀！
我地食完飯之後，路經時代廣場，見有個萬聖節佈置...所以我都又去影埋一份啦！
都唔知係唔係黑仔運仲未過，尋日放工打算去櫃員機提款時，竟然唔俾我拎錢，仲寫左一包『所需服務已被取消，請與發咭銀行聯絡』。
睇見真係驚死呀！開頭都以為係張咭有問題，不過好奇怪..我係可以CHECK到 BALANCE，只係拎唔到錢。(小肥豬個戶口係非常清潔，入面仲有少少錢呀，絕對冇欠人錢呀！)後來就估可能係部機有故障，為怕會食咭，所以都冇再試啦！
今日返工前又打算去試吓啦，已經好醒目咁去左另一個櫃員機，點知都係出現同一個情況，今次真係驚啦，因為一定唔係係部機問題，即係我個戶口有事….真係都幾驚呀！所以一番到工就等到九點打去銀行問啦！
個職員CEHCK到我個ACCOUNT係冇問題，佢都唔知係乜事。諗諗吓就問我去邊個提款機同拎幾多錢啦！原來如果係其他『銀通』嘅提款機，係唔可以接取低過三百蚊，只可以係發咭銀行所提供的提款機先可以隨意提錢。
依樣真係未聽過哦，不過聽完之後都安心晒！
不過唔明點解銀行有新措施唔通知客戶，等人地驚餐飽呀！
開頭真係嚇死我呀！等我今晚放工再去試吓先得！
頭先收到ESD個E-MAIL，登記左之後，就有機會得到11月個婚紗展的飛送呀！
我已經登記左啦！ 各位姊妹們都快D去登記啦~~
http://www.esdlife.com/soloemail/audace/20071009/default.asp
今次應該都係最後一次去婚紗展啦！如果抽到飛，都想入去行吓，以最後機會睇吓仲有冇好嘅平野買嘛！
尋日終於都去左租我地大日子用嘅車啦！
我地分別租左一部BENZ做主車用四個鐘，另又租多左一部VAN仔用六個鐘，加加埋埋都係二千幾蚊，都好似幾抵呀！真係多謝車車好介紹啦！
可能因為都算抵關係，部主車都只可以用香檳金色呀！其實我地就比較鐘意銀灰色多少少，不過唔緊要，香檳金襯我地對中式公仔都好似幾出，應該都OK呀！
今次租車真係要俾個叻叻大肥豬，因為當我問左車車拎左資料之後，因為較近大肥豬返工地方，所以就由同間車行傾細節加落訂都係大肥豬負責啦！哈哈~我自己就可以理少一樣野啦！
依家結婚野嗰D大件野就真係好似七七八八啦，攪埋過大禮咁就得啦！
不過總係覺得仲有濕濕碎碎野未攪，依D野先係最頭痕呀！真係要努力..加油先得啦！
原本打算派帖時先再交埋請假信，打算請三日當婚假 (3/12-5/12) ，【我係冇婚假，扣自已大假呀！SO POOR！】
不過早排同同事去聽研究會時，傾計講開我結婚問題，佢就建議我早少少交信，因為始終我係學校做，請假係超麻煩嘛！早D反向學校請假，等佢地可以早作安排。雖然我唔係好有重要性！
聽左佢意見之後，我都決定早少少交請假信，因為佢已經一早知我結婚，所以等唔等張帖一齊俾都冇驚喜，同埋好似早D知，就早D安心嘛！所以係上個星期五就等老細心情好時交左請假信啦！
好在....今日知道我個假期已經批左，真係放心晒！
尋日陪左小豬媽去太古城買野，之後見有時間就去左眼鏡88同大肥豬睇眼鏡，因為佢想配副新眼鏡係結婚嗰日用。
點知大肥豬揀好耐都冇合心水，因為佢想買配銀白色，話好似後生D哦！佢試左都好幾副，都唔係太好睇，後來有一副戴左都幾好睇，不過就衰在冇銀白色....小豬媽同我都極力就佢買，不過都係唔肯，真係激死。
後來CHECK到原來其他分店都有銀白色，所以就叫佢地SEND去太古城，等星期六去試吓好唔好睇啦！希望到時OK啦！咁大肥豬就有新眼鏡迎大日子啦！
係大肥豬揀眼鏡時，我又貪玩去試吓啦~~哈哈...就係咁小肥豬又有新眼鏡帶啦！係唔係幾好睇呢？下星期就可以有新眼鏡帶啦！
不過唔配眼鏡都唔知，原來我近視深左，仲有少少散光。都唔知點解，都一把年級啦，仲會深近視...真係古怪呀！
我仲配埋隱形眼鏡添，係用新度數配呀。所以依排真係要戴多D，唔係怕大日子唔習慣戴隱形眼鏡呀！
原本係大肥豬去睇眼鏡，點知變左我大豐收....
哈哈，依兩份禮物真係要多謝大肥豬呀，係佢主動送俾我呀！
今日真係好開心，因為係大賢同小賢嘅大好日子！真係恭喜晒！
此外，小肥豬都好榮幸可以做到小賢姊妹團嘅其中一位成員，真係好..好...好開心！唔講唔知，今次都係小肥豬第一次做姊妹呀！(希望冇失禮啦！)
一早就上左小賢屋企準備，之後就玩接新娘遊戲....再到註冊處，都有好多地方好感動，有幾次都令我有少少眼濕濕呀！(真係眼淺啦！)
成日嘅流程都好順利，見到小賢都真係覺得好開心，因為佢成日都好大聲咁笑，令到我地都感受都佢份喜悅，真係好幸福呀！
今次第一次做姊妹，真係覺得好好玩呀！又可以識到幾位好好嘅姊妹團成員啦，又可以偷吓師，等我可以知道婚禮上嘅流程，等我可以參考吓嘛！不過都因為係第一次做關係，好多野都唔識，希望小賢唔好介意我嘅表現啦！
見到小賢，就好容易令我諗....唔知兩個幾月後到我嘅婚禮會點呢？會唔會好似小賢今日咁順利呢？不過有一樣就可以肯定~~~我一定變大喊包。哈哈~~
見新娘子已經POST左好多靚相，等我又POST番張同埋小M一齊影嘅相先~~
今日收到嘅禮物啦！
最後都要再同對新人講句：
恭喜晒！祝你地白頭到老，日日都開開心心，繼續恩恩愛愛，總之就SWEET SWEET啦！
大賢：你記得我臨時同我講嘅野呀~~唔好唔嚟呀！
小賢：雖然你已經忙完，不過你都要繼續呀，因為輪到幫我攪啦！哈哈
PS：
仲有...今日都見到幾位BLOG友仔呀！除左小M同大M有去觀禮之外，仲有紅豆太太都有去觀禮呀！仲有 一個嘅係小賢同事，又係BLOG友仔嘅檬，都有出席小賢個晚宴，真係原來BLOG世界真係好大呀！
今日終於都揀好晒成長MV用嘅相啦！
之前都已經揀好多我地童年嘅相，不過睇番個數量又真係要減少少，所以童年照我地各人都只有六張。
到揀我地嘅拍拖照啦！原來我地都影左好多張相，張張都好靚，唔知揀邊張好....真係頭痛啦！揀左幾個ROUND先揀到呀，最後都揀左15張呀！有D就去旅行相，有D就平日普通相，張張都好有紀念呀！
因為攝影公司只可以擺30張相關係，所以我地都傾過不如唔好擺太多結婚相入去成長MV入面。因為我已經將兩輯婚紗相都整左做婚紗MV，席前不停播。再加上酒樓送嗰隻DVD都係放晒婚紗相，如果成長碟都放太多，怕人睇厭啦！所以決定都只係放4張，留番多D位擺其他生活相嘛！
仲有1張相就係我等左好耐嘅相，就係因為依張相，我遲遲未去整成長MV。依張咁重要嘅杷就係大肥豬大學畢業戴四方帽嘅相啦。
依張相等左咁多年，咁有意義，當然要放埋入去依隻重要MV入面啦！等到10月中拎到畢業衫就可以去影，攪埋依張相就可以拎去整MV啦！
個音樂歌曲，如無意外係會用伊健 - 感激我遇見......點解用依首？因為大肥豬鐘意啦！
又可以話攪好左半樣野啦！
都唔知仲乜，今日都唔係黑色星期五呀~~都唔知點解又真係黑成咁！
因為今日冇帶愛心飯盒，所以要行落去商場食lunch。點知當我行條必經嘅長樓梯時，行到一半，就...碌..碌..碌，碌左落樓梯。一路碌就用手係咁想找野扶，最後都碌左成小半條(嗰度都有十級八級)樓梯先識停呀！
碌停左之後，就好不顧儀態咁坐係樓梯度睇下自己個傷口。點知一睇，成對腳同對手都刮花晒，隻手同左右腳都分別流血呀！好痛好痛....痛到都企唔起身呀！
唔止呀~~我對手分別有帶玉鐲同水晶鏈，都係刮花左。同埋對鞋都刮花左呀！真係慘慘慘！好在就冇整爛到，如果唔係就傷上加傷呀！
之後就坐一陣，等個人定左之後就繼續行去。好在契大佬住得好近，所以我就上左佢屋企洗傷口啦！之後就去食lunch，不過真係好痛，冇心機食野呀！
唔知係唔係碌嗰時整到條頸同腰呢，依家依兩個地方越嚟越痛，好似俾人打左一身咁呀！今晚又要小豬媽幫我查藥膏先得啦！
不過..慘啦，明天有個好重要嘅節目，希望訓醒之後，條頸同腰都唔痛啦！仲有成對腳都刮花晒，都唔知點著靚靚裙仔啦！如果我明天唔係狀態，希望女主角唔好怪我啦！
都唔知我幾時先黑完~~
今日同一位同事去左參加一個有關學校書記嘅seminar，一早就去左半山區某小學啦！
當個seminar開始時，唔知仲乜對眼開始向下垂(又一隻懶豬開始)，加上張凳又坐得唔舒服，所以都真係好想時間快D過，快D可以離開呀！
等左一陣，終於都完成左個seminar啦！之後大會就安排左一個lunch buffet俾我地。
一開始都知道有一個lunch buffet，不過對於期望都唔會太大，因為學校叫嘅都應該唔太好。不過...一睇到D野食~~又真係幾好哦，成個感覺都有少少似酒店FEEL，不過你唔好諗有貴野食啦！
真係估佢唔到，所以今日個lunch都食多左少少，真係要減食多幾餐先可以補番今日食多左嗰D啦！
另外，今日都有件感動事發生。
由於今日要去聽seminar，咁就可以晏少少出門口，所以就同LULU妹一齊搭車啦！
我地行到去地鐵時途中，見有少少雨落，咁LULU妹就問我有冇帶傘，當知道我冇帶傘之後，LULU妹就即刻係佢袋入面拎左把縮骨傘俾我，叫我袋住，仲話我著得咁靚，有把傘唔會整濕身，佢自己就可以隨時避雨呀！
聽完之後真係好感動，仲有少少唔知點好呀！LULU妹真係好錫我呀！
時間真係好似過得好快，唔經唔覺仲有兩個月就到我個大日子啦！依家個心情真係既緊張又擔心呀！
緊張係唔知到大日子嗰日會點呢？因為依個月又係兩個朋友仔嘅大好日子，見到佢地都會諗到時會點呢？個心情就會開始緊張啦！有時都會發夢夢到自己個婚禮~~真係好緊張呀！
擔心就係唔知仲有乜未做，好多大件嘅野都好似已經攪好，應該仲有租車同過大禮未攪，不過應該好快就可以攪好。
但總係覺得好多濕碎野未攪，不過又唔知係乜！諗極又唔知係乜，明明寫好晒個LIST要做D乜，但都成日心總係仍住仲有整未攪，唔知點好呀~~~真係擔心。不過可能係我自己過份擔心啦！
仲有個RUNDOW，上次車車幫我整左個草稿之後都未再整過.......唉！真係一個字『懶』，時間真係唔多啦~~真係要繼續努力先得啦！
星期六嗰日，未來奶奶已經買左一對龍鳳鐲同耳環俾小肥豬，不過唔知點解今日一早又俾左一筆錢俾大肥豬，叫佢帶我去買條頸鏈！
不過因為我已經有小豬媽同小豬爸兩條頸鏈，所以大肥豬就話用依D錢買多對龍鳳鐲俾我，等我可以多一對，好似好睇D。
所以去完金都之後，就去左相熟金鋪買啦！
開頭我都打算話照未來奶奶意思買條頸鏈，不過大肥豬就堅持買話要龍鳳鐲，仲話未來奶奶都冇所謂，買乜都好。
不過對於我嚟講又真係幾擔心，唔知未來奶奶會唔會唔鐘意，但大肥豬嘅堅持，令我都冇辨法，最後就又買左依一對龍鳳鐲啦！
由買完嗰該開始，都好擔心呀！好擔心未來奶奶會唔鐘意，好在大肥豬番到屋企同未來奶奶講清楚個原因，佢都冇問題，咁都安心左少少。(PS：係少少，因為冇見過佢個樣，唔知係唔你真係OK)
希望一切可以順利啦！
依家將會由未來老爺同奶奶各自幫我帶一對呀！
終於都買到對花車公仔啦~~真係開心呀！
依一對就係我地嘅公仔~~大雄同靜兒！
一直都好想用我嘅至愛~~玉栓狗呀！唉...都睇唔啱，一係好老翻FEEL，一係就好貴唔太值。所以都唔知買乜好啦，大肥豬一直都想用絲花代替，不過我就好唔想，所以就好努力咁去睇公仔啦！
同大肥豬都行左金都睇公仔幾次，都睇唔啱。不過我就冇放棄到，今日再去睇。
好在今日我地都睇到對靚靚公仔，就係依對啦！佢有一中式同西式選擇，不過大肥豬就揀左中式，因為咁好似特別少少哦！
睇睇吓大雄又幾似大肥豬哦，又係戴眼鏡呀！哈哈哈~~
仲有呀~原來我地係羅浮宮都有影過同類型嘅POST呀！真係好橋呀！
間鋪頭有加整托公仔蝴蝶絲帶同車門蝴蝶服務，大肥豬話唔好麻煩一次過做埋，所以對公仔就留左係佢地度，要11月中先有公仔拎呀！
