【滋陰潤肺】沙參玉竹石崇魚湯

29 DECEMBER 2018(SAT)

聖誕假期出街食得太好嘢，所以都係時候要煲返個湯，等我家兩位老細潤一潤(扮下賢妻...哈哈哈)。今次聽朋友介紹，用石崇魚再加上沙參、玉竹一齊煲，咁就可以滋陰潤肺，最重要係石崇魚係好有益嘅，咁就可以打好個底，嚟緊又轉天氣嘅時候就唔洗驚啦~

【清熱潤肺】合掌瓜沙參玉竹瘦肉湯

17 DECEMBER 2018 (MON)

作病中的我真係冇乜胃口，所以就想煲個湯等自己潤一下。剛好見有朋友仔煲左依個合掌瓜沙參玉竹瘦肉湯，既清熱又潤肺，咁我就去買齊材料煲啖湯嚟滋潤下，濕濕地咁胃口都可以有返啲啦~

【麥兜陪你過聖誕】海洋公園聖誕全城HoHoHo2018

15 DECEMBER 2018 (SAT)

今年海洋公園搵左麥兜嚟做主角，話晒都係同道中人…小小豬就當然要入嚟搵麥兜玩下啦~

【明目益氣】日月魚青紅蘿蔔蠔豉豬骨湯

10 DECEMBER 2018 (MON)

早排開左包日月魚嚟煲，咁見佢味道又唔錯，加上開左包裝就唔想擺太耐，所以就上網搵下有冇啲咩湯水食譜啱煲。咁就俾我見到有朋友仔用左青紅蘿蔔加蠔豉一齊煲，就可以明目又益氣。青紅蘿蔔湯一向都係我家至愛，屋企又有幾隻蠔豉存貨，所以就又嚟試下煲啦~

【睇住APP學整曲奇】HBOAsia WeBareBears 曲奇工作坊

9 DECEMBER 2018 (SUN)

其實我成日都好想同小小豬一齊整下蛋糕曲奇，既可以親子又可以滿足一下口福。雖然屋企都有個焗爐，不過一諗起整完之後嘅善後工作，同埋一買就要買好多材料係屋企擺，我就即刻就唔想去開工。

謝謝HBO Asia嘅邀請，終於有機會齊齊整曲奇，我地係整HBO GO新增嘅兒童節目中嘅最受歡迎嘅卡通人物WeBareBears啦~

【玩住開心食大餐】聖誕PizzaExpress限定新菜式

8 DECEMBER 2018 (SAT)

為食嘅小小豬今日又有口福了，因為我地應邀嚟PIZZA EXPRESS開預早的聖誕PARTY，可以邊玩邊食兼有好朋友SY哥哥一齊，依隻豬仔都不知幾期待呀~

【飲後分享】台灣80年老字號「老協珍熬雞精」補足我的精氣神！

6 DECEMBER 2018 (THU)

近年「熬雞精」或者「滴雞精」依啲產品愈來愈受歡迎，品牌亦都越出越多，緊係啦...因為真係好方便，簡簡單單就可以補氣、補身、養生、養身，啱晒啲超忙嘅人仕。

依排真係超級忙碌，攪到自己十級攰，都係時候要為自己打算一下，調理好個身體先有精力去好好照顧我家兩位老細。剛好收到送來嘅「老協珍熬雞精」，趁依個機會俾自己補補身嘛~

【冬日雪村】戶外飄雪聖誕@昂坪360

2 DECEMBER 2018 (SUN)

小小豬成日都話想去落雪地方，好想感受下飄雪嘅氣氛(唉…我夠想啦…唔通想就可以去咩)。既然唔可以去外國感受真正嘅落雪，咁不如就近近地嚟昂坪360玩一轉「冬日雪村」啦~

【小朋友幫小朋友】麥當勞愛心慈善跑2018

1 DECEMBER 2018 (SAT)

一年一度嘅「麥當勞兒童愛心馬拉松」又嚟啦，原本以為我地撞左學校童軍集隊所以唔可以嚟參加，但原來全日有三場活動，我地趕得切參加四點場次，所以我地終於都可以嚟參加啦~

【邊飲嘢邊SHOPPING】HAPPIPLAYGROUND香港首間旗艦店

29 NOVEMBER 2018(THU)

HAPPIPLAYGROUND嘅動物朋友好熟面口，原來佢地係間中出現係屈臣氏嘅自家品牌當中，原來佢地依家係香港時代廣場開設首間旗艦店，店內有一系列全新商品，仲開有首間HAPPITEA，實行邊飲嘢邊SHOPPING呀~

【明目滋陰】日月魚蕤仁肉淮山瘦肉湯

27 NOVEMBER 2018(TUE)

聽好多朋友仔講日月魚係好有益，既可以明目養顔，又可以調節人體代謝同平衡促進生長，依幾樣嘢又好似小小豬最缺乏(當然...養顔就係我需要..哈哈)。

想就想煲左好耐，但一直都唔冇去買(自己唔在行怕買得唔靚)，剛好早前入大澳玩時行過一間老店，店主婆婆又好詳細咁教我點買，所以就可以放心入手。之後再向相熟藥材店店主請教，所以今日就煲左個明目滋陰嘅日月魚蕤仁肉淮山瘦肉湯啦~

【好友開心齊齊玩】聖誕溫馨家庭樂@嘉湖海逸酒店

24-25 NOVEMBER 2018(SAT-SUN)

小小豬今次可以話係雙倍興奮，既可以應邀嚟參加嘉湖海逸酒店為聖誕節推出嘅「聖誕溫馨家庭樂住宿計劃」，又可以同佢嘅好朋友齊齊玩，實行開開心心享受一個愉快嘅週末呀~ 

【清潤強肺】虎乳靈芝雪梨茶

23 NOVEMBER 2018(FRI)

一到依啲轉天氣時份我就最鐘意煲虎乳靈芝，因為既可以預防傷風感冒，又可以强壯體質同埋增強抵抗力，打好左個底咁係就唔洗怕係學校容易受感染。

平日我都係用嚟煲湯多，早幾日去藥材店入貨時，言談間店主叔叔又塞錢入我袋，教我用虎乳靈芝加雪梨乾一齊煲，就可以既清潤又強肺(最好就係時間又唔需要太耐)，所以就即刻執份材料又試下煲啦~

【試用分享】Lancôme 升級版冰鑽亮眼肌底液

22 NOVEMBER 2018(THU)

年紀大加上平日又成日會對着手機同電腦，再加上嚴重睡眠不足，眼部問題就即刻浮晒出嚟，我最大問題就係黑眼圈、浮腫、眼紋等眼部問題。今次有機會試用Lancôme全新升級版冰鑽亮眼肌底液，唔知可唔可以幫我快快手變返明亮呢~

【試用分享】Oh Care兒童口腔護理產品

20 NOVEMBER 2018(TUE)

話說小小豬依家換緊牙，佢嘴巴入面都有幾隻牙仔鬆鬆地，所以成日都好擔心擦牙會擦甩牙，所以佢依排都係勁HEA咁擦牙，雖然已經講左甩牙係正常事，但依隻豬仔都勁驚，都真係激C我。

依個時候剛好收到公關姐姐送嚟嘅Oh Care兒童口腔護理產品，唔知可唔可以幫到小小豬係佢心理關口上，繼續保持口腔衛生呢~

【挑戰定向之旅】救世軍親子定向追蹤2018

18 NOVEMBER 2018(SUN)

香港公園....對我嚟講係一個重要地方(我咪係嗰度簽紙成為吳太)，亦都係小小豬愛好嘅地方之一(佢連學校專題研習都係揀依個地方做標題)，我地嚟就嚟得多，唔知係公園內玩親子定向會係點呢？ 

由知道我報名之後，小小豬就開始好期待，終於等到今日可以嚟做「森林野人王」啦~

【聖誕好去處】太古城中心玩轉《哈鹿聖誕》

15 NOVEMBER 2018(THU)

今個聖誕節太古城中心就有哈鹿聖誕為主題，一大班懵懂又傻氣嘅哈鹿嚟同大家齊齊打卡玩遊戲~

【聖誕好去處】皇室堡．My Melody 聖誕聲夢小鎮

15 NOVEMBER 2018(THU)

今個聖誕節皇室堡就搵My Melody坐陣，以聖誕聲夢小鎮為題，有五大可愛打卡位，等我地可以影住靚相迎聖誕~

【聖誕好去處】迪士尼Tsum Tsum 聖誕市集@朗豪坊

13 NOVEMBER 2018(TUE)

回想起TsumTsum我都好似冇乜點玩過，嗰時DL手機個APP都係為左當一個小小嘅鼓勵，小小豬儲陪印仔就可以玩一局(不過佢儲印仔實在太慢，所以個APP都冇乜點開過....哈哈)。

雖然冇乜點玩，不過作為一個迪迪尼粉又點會唔鐘意一系列TsumTsum呢？所以當知道朗豪坊化身成為迪士尼Tsum Tsum聖誕市集，咁多可愛Tsum Tsum就當然一定要嚟影下相啦~

【提高免疫能力】蟲草花螺片雞腳湯

12 NOVEMBER 2018(MON)

天氣開始涼涼地，又令我開始想飲下雞湯(唔知點解總係覺得雞湯係要凍凍地先好飲...呵呵)，加上之前係大澳買左包螺片都未用，所以就決定加埋蟲草花一齊煲，嚟一個可以提高免疫力嘅湯水，趁冇病冇痛時打好個底，咁轉天氣都唔怕啦~

【有一個自製貼紙】WhatsApp Sticker小分享

11 NOVEMBER 2018(SUN)

相信依期大家都一定熱玩WhatsApp Sticker，有得DL唔同嘅卡通公仔就緊係正，如果可以用埋自己嘅嘅相咪仲攪笑又特別~

【滋潤補水】雪梨乾紫無花果茶

8 NOVEMBER 2018(THU)

一睇見小小豬個嘴巴"乾爭爭"，就知佢身體又開始唔夠水，咁依家嘅天氣又好似開始乾乾地，唔好話小小豬，我都覺得身體都有點乾。雖然依排忙忙地都冇時間煲湯，不過煲涼茶都幾會有點時間。打開屋企個藥材箱，見有齊需要嘅材料，所以就嚟一個滋潤又補水嘅雪梨乾紫無花果茶啦~

【聖誕好去處】Pompompurin部屋聖誕派對@荃灣廣場

7 NOVEMBER 2018(WED)

作為一個貪玩媽，有得玩又可以集郵就緊係唔放過機會，所以今日就趁小小豬返左學之際，就偷偷地蛇左嚟荃灣廣場玩左一轉。嘩...好大隻布甸狗呀~

【入樂園跑餐飽】超有氣氛嘅反斗奇兵3公里跑

4 NOVEMBER 2018(SUN)

由知道我報名參加之後小小豬就一直好期待，因為今年係我地三口子第一次參加迪士尼10K Weekend 2018，嚟一個「反斗奇兵3公里跑」可以入樂園跑餐飽呀~

【戶外歷奇+飛索】萄葡園野外歷奇農莊

28 OCTOBER 2018(SUN)

小小豬成日都話自己大個仔，已經不甘於去玩PLAYHOUSE嘅波波池，為左滿足依隻貪玩豬，所以我都有周圍睇有咩好玩又刺激嘅地方帶佢去。

曾經睇網頁見到葡萄園野外農莊好似幾好玩，既可以去玩飛索又可以玩野外歷奇，都有心思思想帶小小豬去挑戰一番。但由於活動係以組團形式，一諗到依一點我又冇心情再繼續想落去(因為總係覺得要約埋一班朋友仔係有點困難)。

剛好今次就有好友已經一早BOOK好晒，我只係負責俾錢同埋如期出席，咁方便我冇理由唔帶小小豬嚟玩返轉呀~

【 韓「星」Halloween】康怡廣場 x RACCOON FACTORY Starfy Adventure

27 OCTOBER 2018(SAT)

咦....日日放學路過都見到嗰粒海星，佢個攪笑樣再加埋粉色造型都幾可愛，原來係由韓國遠道而來嘅百變海星Starfy，今次仲係佢第一次登陸香港添~

【試用分享】vivo V11手機初體驗

25 OCTOBER 2018(THU)

手機對於我嚟講最大用途都唔係用嚟傾電話，絕對係大部分都用嚟影相拍片同埋上網。今次應vivo邀請試用佢地最新出嘅V11手機，一部好啱用作影相拍片嘅手機，又真係幾啱我心水哦~

【健脾養陰】蘋果淮山水

21 OCTOBER 2018(SUN)

前幾日睇報紙見到有食譜介紹蘋果淮山水，有健脾養陰同幫助消化功效。一睇到健脾同助消化我就當然即刻想煲俾小小豬飲，等佢健脾多啲就可以食得多啲，咁就可以快啲肥多啲啲(唉...你估成日俾人話小小豬奀豬豬，作為媽咪嘅會開心咩，佢食極都係咁你估我想嘅咩.......發勞蘇完畢)~