【玩住開心食大餐】聖誕PizzaExpress限定新菜式

8 DECEMBER 2018 (SAT)

為食嘅小小豬今日又有口福了，因為我地應邀嚟PIZZA EXPRESS開預早的聖誕PARTY，可以邊玩邊食兼有好朋友SY哥哥一齊，依隻豬仔都不知幾期待呀~

其實...今日嘅PARTY主要就係嚟試下PIZZA EXPRESS最新推出嘅聖誕限定新菜式~

小小豬一嚟到就非常期待，好想知道有咩好嘢食呢~

係未上餐之前，店員哥哥就為小朋友們準備小玩意，等佢地可以玩住等食(當然...亦為我地家長帶嚟一陣嘅靜靜地嘅傾計時間...哈哈哈)~

未開始食好東西就飲杯特飲，焦糖味爆谷奶昔、西柚+橙+青檸同埋羽衣甘藍蘋果~

我嗰杯焦糖味爆谷奶昔真係幾特別，焦糖味同奶又幾夾，不過重點係....我嗰幾粒爆谷係我未開始飲嘅時候已經俾小小豬KO左啦~

先嚟一碟香噴噴龍蝦湯，真心的.....我真係覺得好好飲，個湯勁濃龍蝦味之餘，仲有勁多龍蝦肉添~

帕爾馬火腿蘑菇沙律，一向都唔鐘意食沙律菜嘅小小豬今次竟然主動要求食依個沙律，原來係佢睇中左入面嘅風乾火腿，佢話少少菜加少少火腿一齊食，特別好味(依個仔幾時變得咁識食呀)~

終於都到左小小豬最期待嘅卡邦尼薄餅(因為佢本身都好鐘意食卡邦尼意粉嘛)~

PIZZA仲會配埋一粒流心蛋，睇住蛋汁湧出嚟時，都幾治癒呀~

從小小豬嘅表現就知有幾好食，因為佢一次過食左兩大件PIZZA呀~

仲有一個雞肉蘑菇薄餅，灑上紅辣椒絲薄餅都幾特別，不過我本身唔太"好"辣，所以就只係初嘗少少(留肚食其他嘛...哈哈)~

反而我就最鐘意依個迷迭香火雞薄餅，紅莓再加上蕃茄醬，火雞肉又唔會太韌，甜甜酸酸嘅味道真係唔錯呀~

聖誕火雞都仲有另一個菜式，依個白汁火雞螺絲粉看似冇乜特別，但原來係帶有丁點辣，不過就唔係好剌激嗰一款辣，所以食落又都幾得意~

燉牛肉螺絲粉就係小小豬另一個鐘意食嘅，佢話啲牛肉好腍，個牛肉醬又甜甜地，所以佢都食左大半碟呀~

龍蝦汁意大利雲吞，同龍蝦湯一樣都好夠味，雲吞以魚肉及大蒜為餡料，嗰一個蒜味再配有少少辣，幾樣加埋原來都幾夾哦~

雖然大家都食得好飽飽，不過依個焗麵包塔可以邊玩邊食，我地又點可以放過呢~

用白朱古力醬同聖誕糖裝飾為麵包塔做一個有聖誕氣氛嘅造型，兩個小朋友好努力砌設計哦~

佢地話依個係雪人，我想......創作嘅嘢就只有小朋友先可以了解...哈哈哈~

我地D.I.Y完成之後，可以將自創麵包塔靚靚相上載至PizzaExpress FB，即有機會贏取PizzaExpress 港幣 $500餐飲禮券。所有作品中最「上鏡」的一位更可贏得終極大獎：價值超過$2,000的薄餅派對一場！ (遊戲時間: 2018年12月4日至2019年1月1日)

今日真係食得勁滿足，好多樣新菜式都好吸引，小小豬已經約定我聖誕節搵一日要再嚟食過，當係其中一個慶祝活動(唔洗我煮飯...我緊係大力支持佢依個想法啦...呵呵呵)！