【麥兜陪你過聖誕】海洋公園聖誕全城HoHoHo2018

15 DECEMBER 2018 (SAT)

今年海洋公園搵左麥兜嚟做主角，話晒都係同道中人…小小豬就當然要入嚟搵麥兜玩下啦~

聖誕節又點少得聖誕老人，所以我地第一時間就去水晶屋搵聖誕老人影返張靚相應下節啦~

千其唔好漏左旁邊40尺高嘅聖誕樹，只要將我地嘅合照上載到Instagram同時加上#opxmas2018，咁就可以係幾分鐘內見到我地嘅靚相係聖誕樹螢幕出現啦~

之後我地就轉戰老大街，當然最主要目的就係去搵麥兜影相啦~

小小豬同麥兜又幾老友哦...哈哈哈~

除左麥兜之外，仲有好幾位懷舊人物會係大街上同遊客齊齊玩，雖然小小豬就唔識佢地，不過有人陪佢玩就已經夠啦~

我地仲去左玩攤位遊戲，小小豬見到個麥兜公仔都雙眼發光咁，話好想帶麥兜同魚蛋仔返屋企~

雖然佢好努力咁玩，但一向都係黑仔王嘅我地最後都係贏唔到公仔~

依個時茄媽同Amanda姐姐為左唔想小小豬失望，佢地轉贈小禮物俾隻百厭豬，所以麥兜同老虎帽就可以跟佢返屋企，真係非常感謝佢地咁愛錫小小豬呀~

玩到攰地我地就去左熊貓薈，食左兩個麥兜主題限定套餐做下午茶~

小小豬話兩款都好好味，仲食得超滿足添~

 嚟到今日嘅重頭節目，就係去睇全港首個麥兜音樂劇場：麥兜．出走的魚蛋~

我地三口子就睇得非常開心，攪笑得嚟其實成個故事係好溫馨，仲有….成個故事其實係好潮好貼近我地嘅生活，我唔劇透太多了，總之睇完會更加鐘意麥兜之餘，仲會愛上粒魚蛋…哈哈哈~

睇完劇仲可以同幾位主角影相，魚蛋弟弟真係好得意呀~

散場時唔好漏左佢地，超可愛打卡位呀~

聖誕樹旁邊嘅芭蕾漫舞雕像，都好吸引，在場嘅好多小朋友都估係依個唔係真人，當表演者郁動時，佢地就嘩嘩大叫(當然小小豬係其中一份子啦)，真係俾佢地笑C~

仲有啲聖誕佈置可以影下相呀~

原來入夜後嘅聖誕樹係仲靚呀~

聖誕限定麥兜主題係去到明年1月1日，各位豬迷就記得要快啲去海洋公園搵麥兜過一個開心豬仔聖誕啦！