【聖誕好去處】太古城中心玩轉《哈鹿聖誕》

15 NOVEMBER 2018(THU)

今個聖誕節太古城中心就有哈鹿聖誕為主題，一大班懵懂又傻氣嘅哈鹿嚟同大家齊齊打卡玩遊戲~

一入門口就見到《快樂聖誕工廠》，每逢正點及半點嘅時候，甜心哈鹿都會送上光影小表演呀~

當然唔少得同哈鹿聖誕位置打卡影靚相啦~

場內仲有好幾個小玩意，全部都免費任玩，只要乖乖排隊就可以玩過痛快啦~

依個《快樂鹿音機》就係小小豬最鐘意玩，係巨型七彩音樂笛，奏出場內樂譜嘅五首聖誕歌，五首佢都玩晒，我發覺原來佢音感真係好我好..好...好多呀~

依隻哈鹿真係都幾可愛呀~

依個類似彈珠小玩意都好好玩，完全係考手眼協調，難得小小豬又玩得專心，雖然玩左好幾次先完成任務，不過小小豬都話好玩哦~

《鹿上互衛隊》亦都係另一個小小豬鐘意玩嘅遊戲，以互動螢幕遊戲形式可以選擇一人玩或雙人對戰都得，玩完仲可以Scan個QR Code，咁剛才玩樂嘅短片就可以Email返俾我地啦~

《橫掃巨輪拯救哈鹿》完全係考體力，因為....其實係好重呀，一個小朋友都好難玩到，所以就最啱親子玩樂一番啦~

不過我個人私心推介「慢慢速遞所」，只需要like太古城中心facebook或instagram專頁，即可換領明信片，寫上祝福心意之後，就可以投入指定月份嘅郵箱，咁係新一年就會收到驚喜祝福，好有心思呀~

除左活動區之外，哈鹿仲會係商場周圍等大家同佢合照，睇下你地又搵唔搵齊佢地...哈哈哈~

More Information : 
哈鹿聖誕快樂工廠
日期：即日至2019年1月1日 
地點：太古城中心二樓中庭及中橋