【挑戰定向之旅】救世軍親子定向追蹤2018

18 NOVEMBER 2018(SUN)

香港公園....對我嚟講係一個重要地方(我咪係嗰度簽紙成為吳太)，亦都係小小豬愛好嘅地方之一(佢連學校專題研習都係揀依個地方做標題)，我地嚟就嚟得多，唔知係公園內玩親子定向會係點呢？ 

由知道我報名之後，小小豬就開始好期待，終於等到今日可以嚟做「森林野人王」啦~

定向活動之前小小豬都參加過一次(按此重溫)，有左上一次經驗再加上今次又係一個佢熟識嘅地方舉行，佢嘅信心度又自然大大提升，非常有信心可以係75分鐘內搵齊25個CHECK POINT嚟完成定向任務呀！

由於有個心急豬，所以我地一早就已經嚟到集合場地準備出發啦~

等左一陣大會就開始派發地圖，依兩父子一收到張地圖就開始計劃點行，話要係最快時間搵齊25個CHECK POINT哦~

一切準備就緒，只欠大會出發提示，睇下小小豬充滿信心嘅傻樣...哈哈哈~

終於都出發啦~

小小豬拎住個地圖又急步跑，講真....我都真係唔係好夠氣，所以就係佢兩父子嚟去衝，我就慢慢跟住行啦~

搵到CHECK POINT啦~

係搵CHECK POINT嘅同時都會有三大任務小遊戲，其實都係想玩戶外定向之餘又可以俾小朋友互動學習一啲環保小知識~

老實講..平日行香港公園都唔覺得好辛苦(可能之前我地都係HEA住行)，但今日真係由公園頭行到公園尾，再返公園中，又要傾路又樓梯，所以都真係幾攰~

但依隻豬就越行越起勁，佢話目標唔係要做最快(因為知道一定唔得...哈哈)，只望可以搵齊25個CheckPoint，既然佢咁有恆心，我亦都相當支持佢，繼續捨命陪主子啦~

不過其實今次係要俾個叻DADDY，因為DADDY之前跑步整親隻腳，所以佢話唔係主力玩，話係旁邊慢慢行嚟支持我地。點知....最後就全程陪住個仔去搵CheckPoint，所以我都話佢係一名切切實實嘅愛豬號，為左陪個仔咩都唔記得啦~

最後我地唔洗75分鐘就可以完成任務啦！

收到獎牌後依個小小豬都不知幾有成功感，咁佢又真係叻過我啲啲，起碼全程冇話過攰，又係自己有份睇地圖搵CheckPoint，所以都要俾個叻叻佢啦~

依個傻豬仔話玩得好開心，仲話出年要再繼續參加，要搵得快過今次嚟挑戰自己咁話。都係嘅，做人唔係同人比較，只期望可以挑戰自己，所以如果出年時間上可以的話，我地又報名參加啦！