小小豬今日有個新活動，就係入電視城做一個小小現場觀眾呀~
其實小小豬恨咗呢個活動好耐，因為平日我都好少俾佢睇電視節目，第一次機緣巧合之下，俾佢睇到有一個兒童節目Think Big(即係我地兒時嘅閃電傳真機)，咁我地見到個內容其實都好教育意義，所以都間歇性都俾佢睇依個節目(始終小小豬都大個仔，唔可以禁止佢睇電視了)。
每一次佢見到電視有好多小朋友做現場觀眾，佢都話佢都好想成為一份子，問我哋應該點樣先可以上去齊齊玩，就係咁一個廿四孝Daddy就靜靜地幫小小豬綢繆，等左一段時間終於抽到 成為現場觀眾可以去睇節目啦！
由於只能夠一位家長陪同參加，所以小小豬就揀咗Daddy陪佢去，佢哋兩父子齊齊搭咗免費穿梭巴士出發~
入到電視城係唔可以周圍走，所以只能夠跟住大隊進入錄影廠~
終於嚟到拍攝活動，由於整個活動係唔俾拍攝，所以都唔知小小豬玩成點，不過好在大會之後都有將啲小花絮相片放上facebook，睇見啲相小小豬又好似玩得好開心喎~
原來佢今日係一次過拍攝兩集嘅節目，唔知係邊兩日呢？到時一定要坐定定係電視機，睇下見唔見到少少豬先。
雖然只係一個小小嘅現場觀眾，都係坐定定睇住節目拍攝，不過小小豬就好興奮，就好似一個小粉絲見到明星咁。咁又難怪佢嘅，佢咁鍾意睇個節目，可以現場感受個氣氛，雖然都只係坐定定，不過都已經比坐喺屋企睇開心百倍啦！
今次又真係要俾個叻Daddy，因為佢靜靜地幫小小豬做咗呢一連串，俾咗一個驚喜小小豬……哈哈！
其實想參加做現場觀眾方法都好簡單，只要去Facebook專頁登記成為會員，之後留意佢哋嘅通告，當需要邀請小朋友去做現場觀眾時，只要依住步驟去做登記，抽中左就可以免費入去電視城做現場觀眾啦！
雖然抽籤嘅人數會比較多，不過都只係Send個E-mail咁簡單，就所以話試下抽到冇壞呀。Daddy都好努加咁繼續幫小小豬登記緊，唔知下次係幾時可以再去做現場觀眾呢！
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言