食過豐富嘅午餐，我地又繼續去玩，首站目的地就係去遊客必到嘅景點萬象座毛啦~
其實當我知道沖繩旅程時，我第一個識嘅地方就係萬座毛，因為表妹剛剛都係去完沖繩，佢都是同我提及個象鼻呀！
我地一踏上旅遊巴，個天就開始落雨，其實都有啲擔心，落雨 會影響到我地嘅行程，始終萬座毛都係一個戶外嘅地方嘛。不幸中嘅大幸，我地嚟到萬座毛之後，雨勢都變成毛毛雨，所以我地嚟個雨中快閃萬座毛。
我地一落旅遊巴就見到兩旁有好多特色小店，多數都係賣啲旅遊手信精品。由於我地要趁仍然係毛毛雨嘅時候入到萬座毛，所以就冇得八卦一番啦~
其實萬座毛是沖繩嘅名勝景觀之一，萬座毛山經過海浪長年侵蝕，石灰岩嘅懸涯峭壁就形成了遠看猶如象鼻般造型，所以象鼻形狀岩石就係萬座毛嘅特徵~
連小小豬都睇得出外型係似象鼻哦~
除咗象鼻之外，亦都有其他岩石侵蝕地方，不過因為時間同天雨關係唔可以慢慢細心咁欣~
其實遠眺沖撞珊瑚礁斷崖嘅浪，同一埋非常清澈嘅大海，今日落住毛毛雨都覺得壯觀， 我諗天朗氣清嚟睇，個感覺一定仲正~
除岩石之外，我地身那些天然矮草叢生亦都要留意，因為好多都只可以係依度先見到嘅特殊植物群，所以就被指定為沖繩縣特定天然紀念物~
另外，係依度亦都可以遠望沖繩好有名嘅心心石同海龜石添~
由於開始又落返大雨，所以我地被迫離開了。雖然係未認真睇哂有啲唔捨得，不過都總算嚟到依個出名景點，睇到個象鼻，都叫達到我地目的啦！
離開萬座毛，我地又繼續行程， 齊齊去整珊瑚TEE呀！(想知一向零藝術天分嘅小小豬整成點， 就請留意下一篇分享啦)
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言