【動手DIY】DK Aromatherapy濕疹乳霜DIY工作坊

18 AUGUST 2016(THU)

DIY我一向都有興趣，今次朋友仔話有課堂教整DIY濕疹乳霜。一聽到濕疹就當然十分有興趣，所以就去左DK Aromatherapy銅鑼灣分店玩返一晚啦~
 
依家真係好流行芳香療法(Aromatherapy)，我自己都有用緊某品牌嘅精油，我個人就鐘意加入香薰機用，成間屋都好香香咁，人都醒神啲，夜晚瞓都熟啲呀！ 

其實香薰療法就係透過不同嘅植物(花、木、果、葉)提煉出精油，再以按摩、浸浴和薰香等方式，經呼吸道或皮膚吸收進入體內，以達致舒緩壓力和提升免疫力之一種自然療法~

 

單係精華油都咁多選擇~ 

 

香薰機都有好多唔同種類哦~ 

 

哈哈哈...參觀完畢就開始上堂，今日係由創辦DK Aromatherapy兼資深香薰治療師Kat教我地如何以利用天然香薰治療法去對付濕疹~

 
濕疹係醫學上可大約歸類幾點：遺傳、免疫系統失調、環境因素及情緒壓力，而香薰療法係可以根治50%的濕疹，而因精神壓力而誘發的皮膚問題同樣可以用香薰療法解決！

可供濕疹使用的精油有六種：羅馬洋甘菊、德國藍甘菊、玫瑰、薰衣草、東印度檀香木及沒葯。另外製作乳霜係需要配合埋底油，適合濕疹使用的底油有琉璃苣、可可巴、沙棘油、牛油果、維他命及金盞花浸泡油。 

只要揀好自己心水，就可以加入係LOTION內，簡單幾個步驟就得啦~ 

 
坦白講真係花多眼亂，每一個味道都好似好好咁，我嘅選擇恐俱症又嚟啦！

最後經KAT教路，我就選擇左東印度檀香木加羅馬洋甘菊再配合沙棘油嚟整我依個濕疹乳霜~

 

哈哈哈...我真係幾專心做呀，最重要係勁簡單，真係滴幾下之後攪一陣就完成啦~ 

 

由於我主要係整俾小小豬用，所以精油份量就減半~

 

最後我仲整左天然乾花包，係三個選擇之下，我最後揀左薰衣草，因為貪佢放係床邊有助精神放鬆和入睡~

 

輕輕鬆鬆又過左一晚，非常感謝KAT悉心教導，佢仲不嫌其煩咁解答我好多問題，就連護膚心得同心理學依啲唔係主題嘅話題都跟我地分享，真係獲益良多呀~

 
More Information Address：銅鑼灣白沙道1-3號2樓 
 Website：http://www.aroma.com.hk/
Facebook：https://www.facebook.com/dkaroma/

**我地的FACEBOOK PAGE，齊齊來交流親子。育兒。烹飪啦**