我地返酒店稍事休息之後, 就落去酒店餐廳食一個豐富嘅晚餐啦~
小小豬話要睇下自己食乜嘢, 但係全部日文佢有先識睇呢…哈哈~
先嚟三杯解渴飲品~
係我地進餐途中,有位日本姐姐即場為我地表演日本民謠, 小小豬聽得好投入喎~
我地嘅豐富大餐開始了,首先就係前菜,有苦瓜豆腐同埋醬油漬海藻~
等咗一陣,豐富嘅定食送都嚟啦,日本人對食物嘅擺設真係好著重,睇見呢個咁靚既定食,真係未入口都已經覺得好正啦~
就連啲配菜都擺得幾靚~
仲有蔬菜沙律~
同埋超好味又新鮮嘅刺身~
老公主菜係食牛肉, 佢話超入味,而且一啲都唔韌~
我同小小豬就係食豬肉, 喺沖繩豬肉都係好出名㗎,入口真係好滑身,而且仲帶有少少鮮甜添~
仲有飯同烏冬,真係非常豐富呀~
小小豬食得非常滿足呀~
食完一個咁豐富嘅定食,我地仲有甜品添。一個完全唔甜但勁香豆腐味嘅豆腐布甸,同埋好得意既日式糖冬瓜~
今日嘅晚餐真係極度豐富,食飽飽之後我地就返房間瞓覺啦,因為聽日有更加好玩嘅節目等緊我哋呀!
沒有留言:
發佈留言