謝謝生活易為小小豬送上玩具“反”斗城嘅開學禮物，今次仲唔係可以玩盡暑假，之後開開心心上學去~
時間真係過得好快，記得初頭小小豬開始放暑假嘅時候我會諗，嚟緊依個半月點同佢過好呢，日子好像似好耐咁。但原來開心既時間係過得好快，我地一有時間就會出去玩，唔覺唔覺仲有兩星期就返學啦！
諗起開學我又開始有丁點擔心，因為九月對小小豬嚟講係一個好緊要嘅日子，佢終於成為一個小學生，過新嘅學習生活，對一向缺乏安全感小小豬嚟講，都係一個大挑戰。
雖然都係擔心，不過幸好小小豬一向都係鍾意返學，所以我都唔諗咁多一切交託你上天啦。我相信只要小小豬努力，佢一定可以好快可以適應。而家我只希望佢每日開開心心返學，唔好咁快俾讀書勁壓力嚇到，盡自己嘅努力去學習啦！
唔諗咁多啦，趁仲有兩個星期嘅暑假， 繼續開心玩樂玩落去啦！
幸福嘅小小豬又收到兩份大玩具，當然係要趁暑假玩埋去啦！
超級進化機械人~
依個係可以由機械人變成一部跑車，一知道有得變身，車控小小豬就即刻要睇說明書話要變身~
好在都唔算難，佢自己都可以做到~
變好左部車就當然係要貼好啲貼紙扮靚啦~
依個小小豬真係好鐘意車，可以話係瞓身鐘意，次次玩車都一定會瞓底，佢話車係地上行，咁唔瞓就玩唔到哦...佢為左玩車真係咩藉口都出到啦~
電動過山車拼砌積木~
其實一打開個盒我都真係打個突，點解啲零件咁細粒呀？其實小小豬已經係準小一生，唔可以再玩啲BB玩具，要多玩依啲精細嘅玩具，咁先切合返佢大個仔表現嘛~
不過，依啲精細嘅玩具，用嚟訓練小小豬嘅耐性、手眼協調同埋做事精細度都真係唔錯呀~
雖然依一SET係用嚟砌過山車，不過小小豬一見到啲零件就話好想砌一個城堡哦。咁依個都係創意表達嘅表現，所以就等小小豬嚟一個小創意大發揮啦~
仲有兩星期開學，我地要好好享受埋依個輕璧暑假，繼續玩轉暑假啦！
More Information :Website：http://www.toysrus.com.hk
Facebook： http://www.facebook.com/toysrushongkong
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言