由於老公唔太"好"年糕,所以除左初一嗰日煎過一次之後,我地都冇食過。仲有半盤年糕未食,見網上有朋友仔介紹左依個脆卜卜整法,所以我又嚟整依個年糕春卷~
煎年糕其實我都驚驚地,因為我啲煎功又真係幾差,勁勁勁勁易煎燶。
不過依個整法真係勁簡單,只需要依三樣材料就可以整到零失敗嘅年糕春卷~
之後就好似普通皮春卷方法包住塊年糕,包嘅時候要小心,唔可以包得太實,咁光波嘅時候就會令皮破裂,煮時軟身嘅年糕就流出嚟啦~
最後再用蛋汁封口~
再加上我又用光波爐嚟焗,只係用左少少油,少左嗰一份油膩,仲唔係食得好健康之餘,又可以滿足為食嘅我!
沒有留言:
發佈留言