初嚐上海婆婆

23 FEBRUARY 2016(TUE)

今日下午好友問我有冇節目，齊齊嚟TEA下吹吹水。小小豬返左學我就FREE啦，去食TEA緊係冇問題，所以就相約去上海婆婆啦~

上海婆婆都開左好耐，而且又有好多分店，不過今次都係我第一次嚟，真係大鄉理啦！

由於之前同小小豬都食左午餐，所以都唔太肚餞，我同好友就每人一碗麵，再加份我至愛嘅小籠包。其實食都係其次，主要都係吹吹水嘛！

我嘅雪菜肉絲麵，味道普通冇乜特別，不過就覺得如果啲餸可以多返少少，咁就好好多啦~

 

好友嘅擔擔麵，味道唔錯，個湯底都幾夠味，唔會太有味精味~

 

唔知係唔係即叫即蒸關係，所以小籠包真係等左好耐。不過...耐有耐好，因為熱騰騰咁食，真係好食好多。個飽皮唔算太厚，入面又夠JUICY，真係唔錯呀~

原來今日好友約我出嚟係為左送禮物俾我，嘩....當我打開包裝時，真係勁開心，有我至愛嘅TSUM TSUM袋呀，個LOSO袋我之前都好想買，不過冇晒貨，依家終於可以擁有啦~

 
同朋友仔吹水之餘又有禮物收，開開心心又過左一個下午，不過又要朋友仔破費又有啲唔好意思添。

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！