2016年2月26日星期五

迪士尼花蛋節傳媒預告

25 FEBRUARY 2016(THU)

作為一個迪士尼粉絲嚟講,今日真係超開心,因為得到香港迪士尼樂園邀請,可以參加花蛋節傳媒預告活動呀~

今日嘅花蛋節傳媒預告活動主要都係介紹迪士尼最新嘅活動同埋嚟緊3月17日至5月29日期間舉行「花蛋節」安排。其實我都真係好想..好想...好想帶埋小小豬一齊嚟玩,不過始終都係講唔服老公大人。

咁返學又係重要啲......唔緊要啦,等我今日知道有咩玩時,到時好好計劃點同小小豬玩啦!

整個活動就由全新嘅米奇米妮春日LOOK開始~
 
依套咁有春日氣息嘅新裝其實係迪士尼樂園去年開始邀請大專院校學生為米奇米妮設計新服裝,經過一輪挑選最後就選用了理工大 學時裝及紡織系Louis Li同學嘅設計。

由依家開始春日嘅米奇米妮都會係夢想花園同埋樂園酒店翠樂庭餐廳同大家見面。真心覺得依個春日LOOK好靚,好想同佢地集郵呀~
 
除左米奇米妮春日LOOK依家可以係樂園見面之外,大家都好喜歡嘅蘇菲亞公主同「大英雄聯盟」醫神都嚟左樂園同大家見面啦~
 
蘇菲亞公主除左同大家集郵之外,樂園仲推出一系列以蘇菲亞公主為主題嘅活動同甜品,真係啱晒各位小女孩呀~
 
醫神都去左動畫藝術廊同大家見面,真係勁可愛全身漲卜卜仲識眨眼,令我有少少鐘意左佢添~
 
鐘意Star Wars嘅朋友除左仍然可以係明日世界見到白兵之外,依家仲可以去學畫BB-8啦~
 
今年迪士尼第一年舉行「花蛋節」,樂園都會有一系列新佈置,好有春日氣氛,好期待見到係樂園入面見到個實景呀~
 
係活動期間整個樂園會遍佈大約一百隻「花蛋」, 當中有70隻以上都係迪士尼人物,分佈係七大園區,到時又可以同小朋友齊齊搵蛋蛋啦~
 
「花蛋節」期間迪士尼樂園仲有「猜猜誰。尋尋蛋」遊戲,另外「奇妙處處通」會員更可係3月中開始,每星期到樂園換取一款珍藏版迪士尼「花蛋」,唔知可唔可以儲齊一套呢?

係花蛋節期間,米奇同埋佢一班好朋友都會換上充滿香港特色新裝(仲要係香港獨有),在美國小鎮大街和賓客見面。

米奇米妮嘅新衫就以香港巿花洋紫荊做主題,加上牛仔LOOK,一個字『型』~
 
Donald同Daisy嘅新衫就以紅白藍為主,一睇就知係MADE IN HONG KONG~
 
Goofy件新衫就係以會展中心為圖,而Pluto都有個香港特式嘅新狗仔牌呀~
 
Chip and Dale嘅新衫就係電車同渡海小輪~
 
嚟到我鐘意Duffy同ShellieMay,佢地件新衫係蛋撻同埋雞蛋仔,真係勁可愛呀~
 
最後嚟個大合照,唔知我可唔可以同佢地集郵呢?睇嚟復活節期間要密密去先得啦~
 
另外係迪士尼好萊塢酒店仲會舉辦親子教室,可以學整全新「BB-8蛋糕製作班」及「Tsum Tsum 蛋糕教室」,真係勁鐘意,超想去學整呀~
 
除此之外,仲有一系列嘅最新精品及餐飲推出,好多都好吸引呀~
 
依家只要拍攝一張米奇耳仔相片(唔一定要用樂園啲頭"COOL",可以運用任何創意造出米奇耳仔都得呀),之後將相片上載 至Facebook或Instagram(兩者一齊上載都可以),最重要係#ShareYourEars ,咁迪士尼樂園就會捐出5蚊美金予國際願望成真基金,幫助更多有需要嘅小朋友兒童,令他們願望成真~

迪士尼樂園仲為我地準備小小茶點,每樣都好精緻,尤其係杯士多啤梨花花,真係十級靚呀~
 
最後仲嚟到集郵時間,可以優先同新裝米奇米妮同埋醫神集郵,興奮心情真係難以形容呀~
 
今個「花蛋節」節目真係勁豐富,睇嚟小小豬放復活節假期間應該會要密密嚟先得,我地要努加搵齊嗰100粒迪士尼人物復活蛋啦!


More Information :
Website:http://www.hongkongdisneyland.com/

Facebook:https://www.facebook.com/disneyland.hk




**我地嘅FACEBOOK FAGE,唔知大家LIKE左未呢?**
 小小豬的成長日誌
大家一齊嚟交流下煮飯仔及去玩嘅親子樂啦
 

沒有留言:

發佈留言