簡易版老少平安

19 FEBRUARY 2016(FRI)

老少平安依個餸成日都聽，一直以為係好難整。不過前日上網見到有朋友仔分享個食譜，原來係勁簡單，所以我又試下整啦~

簡單四樣材料就可以煮到，豆腐包1𥖁、鯪魚膠約4両、雞蛋1隻、芫茜適量~

芫茜洗淨切碎備用~

將一半嘅芫茜碎放入碗內，然後加入已壓爛豆腐，之後攪拌好~

將一半嘅芫茜碎放入碗內，然後加入已壓爛豆腐，之後攪拌好~

最後加入粟粉1茶匙、少少胡椒粉、鹽及油作調味~

將全部材料拌勻後，倒入碟中~

待水燒熱後，用中火蒸約8分鐘~

然後係老少平安面放上餘下嘅芫茜蔥，再蒸約2分鐘~

有需要時可以淋上熟豉油，不過因為小小豬起緊濕疹唔想佢食太多豉油，所以我今次就冇加到就即刻食啦~

雖然冇加熟豉油，但我都覺得幾夠味，而且入口又有好有豆腐味，咬落又有鯪魚肉嘅煙煙韌韌，真係有啲覺得對食個餸有點學得太遲呀~

原來依個餸除左簡單之外，買材料嘅價錢又唔貴，所以話完全係合乎經濟得嚟又夠營養，所以真係唔怕煮多幾次呀....哈哈哈！

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！