Kinseymama's LIFE: She.com x Sofina - 保濕•美白新基準護理工作坊

2014年6月11日星期三

She.com x Sofina - 保濕•美白新基準護理工作坊

7 JUNE 2014(SAT)

非常感激she.com及SOFINA嘅邀請，俾機會可以去參加佢地嘅保濕‧美白新基準護理工作坊。除左可以學到護理肌膚同化妝嘅新知識之後，仲同各位BLOGGER朋友一齊做小手工，真係開開心心過左一個下午呀~

一去到會場，已經被門口嘅靚靚花花佈置吸引住，當然唔放過要影相啦~

SOFINA 一早已經為我地準備好，枱面放有很多東西今日主角新包裝嘅SOFINA美白產品同埋PRIMAVISTA嘅粉底系列~

仲為我地準備好味嘅macaron，很貼心嘅安排呀~

SOFINA beauté全新美白活膚系列~

仲有皇牌產品PRIMAVISTA嘅粉底系列~

活動未正式開始前，我地先去洗面卸妝，以一個素顏去試用佢地嘅新產品~

之後再由SOFINA美容顧問為我做皮膚測試~

自問一向我嘅皮膚都唔係咁好，不過美容顧問竟然測出我皮膚一啲都唔差，只係面上有啲色斑，用多啲美白精華就可以有改善呀！

做完皮膚測試後便為我便敷上SOFINA beauté whitening lotion，做一個lotion mask。原來依個whitening lotion係可以當MASK敷~

敷左大約五分鐘lotion mask，時間剛剛好，活動就開始啦~

今日我地嘅工作坊節目真係好豐富呀~

首先就係由IVY為我地介紹SOFINA beauté全新美白活膚系列~

其實好多人都認為(包括我自己在內)，美白同保濕係唔可以兼顧到。不過原來SOFINA beauté美白活膚護理產品，含有獨家持續型細胞間脂質配方，使肌膚持續擁有高水分含量及細胞間脂質渗透性，即便此是美白系列的護膚品，同時還兼顧皮膚的保濕需要，可以多功能地完成美白及保濕。

另外，此系列的其他成分如抗老化滋潤成分生薑精華、柚子精華及尤加利精華比以前的配方更高濃度，含量是以前的數倍至12倍，並加入新的保濕成分 - 桔梗根精華，雖然產品都upgrade了，但是價格依舊，而且香港仲比日本還快推出市面呀！

另一個我覺得非常好嘅原因就係依系列真係非常方便，基本上每早洗面後只需要兩個步驟(精華露＋全效防曬乳液)，之後加少少粉底就已經可以出門口啦！

另外，IVY亦都為我地介紹PRIMAVISTA嘅粉底系列。PRIMAVISTA底妝產品屢獲殊榮，可想言之有幾多人好似我一樣，都係用PRIMAVISTA嘅粉底啦~

之後就由JUNE為大家展示護膚化妝應用示範~

聽完JUNE講解之後，當然係到我地試用SOFINA beauté全新美白活膚系列啦！

SOFINA beauté whitening lotion 美白活膚精華露~

JUNE教我地用3+1嘅方法去使用lotion，咁就可以發揮得最好。先在掌心放手按3次的份量，然後由下至上以手指尖至二間位置從面頰、額、唇及眼的順序均勻塗抹於臉上。之後用微暖嘅兩手全面按摩，令護膚品的成分加速滲透。最後手按1次的份量重覆在缺乏彈力及乾燥部位面頰及眼塗抹。