2014年6月9日星期一

小小豬牌士多啤梨雪糕

1 JUNE 2014(SUN)

原本都計劃左一連串活動趁今次依個端午節長假期,不過唔知係唔係尋日小小豬玩得太開心,所以冇端又發燒,所以咩節目都冇晒,乖乖留係屋企休息啦!

其實小小豬除左發燒之後,其他一切都係好正常,某程度仲精神過我,所以就同小小豬嚟個親子廚房,一齊整雪糕啦~
Picture

其實上次整肥媽整版Tiramisu雪糕(請按此),小小豬見到都好想食,不過因為有咖啡關係,所以有得睇就冇得食。

今次我買好哂材料返屋企時,又撞啱小小豬發燒,所以一樣都係唔食得。不過唔緊要,其實親子廚房最主要都係享受整嘅過程嘛~
Picture

今次我係整士多啤梨味雪糕, 最重要就係要將啲士多啤梨切粒粒啦!

雖然刀好似係一件比較危險嘅工具,不過我見小小豬都已經開始大個,之前都曾經用過啲外賣膠刀試過切腸仔,我見佢都可以做得到,所以今次我都有放手俾小小豬幫手切啲士多啤梨粒粒。當然,小小豬都係負責切開幾粒,要做到好細細粒就一定係我執手尾啦~
PicturePicture

倒好啲淡忌廉先~
Picture

然彼用打蛋器將淡忌廉打至六成起泡,個傻豬仔全程都要自己拎住個打蛋器,就算唔夠力都要自己拎,真係俾佢笑C呀~
Picture

加入少少煉奶~
Picture

再加少少士多啤梨香油~
Picture

將啲士多啤梨粒粒拌勻~
Picture

倒入容器內~
Picture

個傻仔話仲有少少士多啤梨粒粒,話唔好浪費要倒埋入盒呀~Picture

最後放入冰箱雪三小時至硬身就食得啦~
Picture

哈哈哈...小小豬主理嘅士多啤梨雪糕完成啦,我當然係等佢瞓左覺先有得食啦!不過同上次一樣面頭好多泡泡唔太靚添,真係要留意吓依個問題,等我下次可以整得靚啲呀~
Picture

啖啖雪燃加士多啤梨,口感都唔錯呀~
PicturePicture

加左啲新鮮士多啤梨又真係好食好多,當然另一個原因係小小豬整(雖然我都有份幫手,不過絕大部分都係小小豬做,所以我我都已經當係小小豬整俾我食),所以食落特別甜啲添呀!

沒有留言:

發佈留言