LINE FACTORY

26 MAY 2014(MON)

希慎廣場依期有LINE公仔嘅展覽，今日見天氣好好，小豬媽精神又十分好，所以愛影相嘅兩母女就趁小小豬返學後，抽出一個空檔時間，嚟狂影一番啦~

其實依個展覽都做左一段日子，我地都算係水尾嚟。不過咁都好，因為場地內唔多人，我地可以大影特影嘛！

雖然都只係得大堂一個位置，不過隻隻公仔都真係好可愛，所以我同小豬媽都係度不停影呀~

係我地影相位置，不時都會見到啲職員行嚟行去。原來只要你有係電話安裝LINE，唔洗購物就可以參加佢地嘅抽獎~

我自己就冇玩開LINE，不過估唔到比我還要新潮嘅小豬媽既然有安裝，所以我地可以玩抽獎，小豬媽仲好幸運地抽中左一份禮物呀~

上二樓去拎禮物啦~

依份就係小豬媽所抽到嘅禮物，不過一向愛孫如命嘅小豬媽即時叫我拎返屋企送俾小小豬呀~

之後我地就落返地下大堂，因為我地仲未入去LINE POP-UP STORE八卦一返呀~

之前睇過啲報導話要入SHOP買嘢都要排大半個鐘，我地今日完全唔洗排隊，仲可以係入面不停攪攪陣冇幫襯呀！

勁鐘意依一SET擺設，不過一個都要成二百幾蚊，所以都真係唔捨得，唯有影左當買左啦...哈哈哈~

我地不停攪攪陣，不過好在在場職員都好有善，見到我地拎啲物品嚟影都冇話我地，仲面帶笑容。當然啦，我係有手尾嘅人，影完我有擺返原位置呀~

就當我地準備離開嘅時候，我地見有人入左去同熊大同兔兔下面同啲細細個公仔影，我地見在場職員都冇阻止佢地，所以又行埋去影埋一份啦~

臨離開時當然唔少得同大門口嘅熊大同兔兔影啦，佢地真係好可愛呀~

雖然都只係得一個場地影相，不過我地兩母女都係入面逗留左成個幾鐘，不停影影影，真係勁開心呀！