小豬媽嘅驚喜蛋糕

12 JUNE 2014(THU)

過多兩日就係小豬媽嘅生日，不過今日我地就嚟個小慶祝，食好味生日蛋糕呀~

其實依個生日蛋糕係小豬媽一位係FACEBOOK上相識嘅朋友仔親手整俾佢。因為知道小豬媽就嚟生日，所以就DIY左一個驚喜蛋糕送俾佢預祝生日，所以我地就有口福啦！

個蛋糕真係好靚，唔講真係完全估唔到係DIY呀~

當然有個蛋糕係度最開心嗰個一定係小小豬，因為佢又可以唱生日歌吹蠟燭呀！

睇吓佢真係當自己係主角，興奮到佢呢~

當然要嚟個KISS KISS先啦~

小小豬真係興奮到唔等埋小豬媽就吹蠟燭呀~

切蛋糕先~

藍梅蛋糕好好食，好香嘅藍梅味又一啲都唔甜呀~

謝謝 Sandy 對小豬媽依一份心意，亦令我地一家又可以開開心心咁玩一陣！

今日依個蛋糕令我感覺到做朋友係唔需要計較相識時間、過程同經過，只要係大家心入面有為對方準備一個位置，真心關心對方就已經足夠！