IKEA Stockholm Series 2014

29 MAY 2014(THU)

睇吓小小豬今日食茶點食得幾開心，當然啦...因為有啲靚靚新餐具嘛~

首先要多謝IKEA送俾我地三口子依份看似好簡單但又好實用嘅禮物~

嘩...好大份禮物呀，咁係咩嚟呢？原來係 IKEA 最新推出嘅Stockhol系列~

Stockholm系列從設計細節到精心挑選嘅材料，都為居家生活帶嚟舒適感，將高級嘅感覺滲入日常生活中，為日常生活創造一點點奢華感，在設計上融合了『經典工藝』精神元素。此外，系列亦都融入五大要素為基礎，包括！外形、功能、品質、持續發展及低價。藉此配合 IKEA 『大眾化設計』嘅設計概念~

Stockholm系列都有好多唔同種類產品哦~

其實整套傢俱都真係唔錯，設計簡單得嚟又幾實用。不過，我第一個亮點就一定係依個連蓋箱貯物箱~

因為小小豬實在有唔少玩具，平日我地都係用返原盒擺整齊啲玩具，但啲紙盒拎幾拎...再加上粗魯嘅小小豬，所以好多都已經爛爛地，所以一見到個貯物箱，我就想到俾小小豬用嚟整齊咁放佢套玩具火車啦~

乳白色的Stockholm系列以以骨瓷製成的，睇落去都會覺得好似好高貴，當中分別推出左湯碟、咖啡杯同埋小碟~

哈哈...講起個湯碟，都有兩個笑話。話說我有一日用左嚟放粟米忌廉湯，點知小小豬一見到就好大聲咁話，嘩...好大個雞蛋呀，真係俾佢笑C呀~

另一個就係飲飲吓湯，大肥豬竟然話；今日個湯感覺上好似好飲左！聽完真係俾佢笑C，其實同平日煮法都係一樣，只係轉左個湯碗嘛。不過，其實食具都好影響進食時候嘅心情，賣相靚自然覺得好味啦，所以我都係用多啲依個湯碗，等大肥豬讚我多啲先得！

個小碟都幾多用途，既可以做咖啡碟，又可以用嚟放啲小食。不過，我就鐘意用嚟放甜品，因為細細碟可以一碟一個，好似啫喱..或者係我自己做啲甜品~

咖啡杯除左用嚟沖啲滴滴咖啡俾大肥豬歎吓之後，我都有另一個用途，就係配埋個胡桃木製的碗，俾小小豬用嚟食茶點呀~

我間唔中都會俾啲果汁小小豬飲，每次都唔會飲太多，始終小朋友都唔應該飲太甜嘅飲品。但每當我倒落杯時，小小豬總係會投訴話我只係俾得半杯佢，依家有依個細細隻嘅咖啡杯，咁小小豬就可以見到係滿滿嘅一杯，咁就可以係唔飲太多嘅情況下又可以滿足到佢嘅慾望，所以真係一個唔錯呀！

雖然杯身係骨瓷製成，但一啲都唔重，小小豬都拎得好順手，睇佢飲得幾滿足就知啦~

Stockholm 玻璃水瓶及水杯是口吹玻璃，每件皆由工匠親手製造，人手裝飾，係獨一無二哦~

水杯及水瓶上的橫紋設計，可穏固拿起，避免留下明顯的指印~

其實Stockhol系列唔止依幾件傢俱，仲有吊燈、椅子...，所以大家如果有興趣，可以去任何一間IKEA睇吓呀！

 

More information :
Website：www.ikea.com.hk
Facebook：https://www.facebook.com/ikeahongkong