試食：Dr.Ci:Labo - 美禪食

25 JUNE 2014(WED)

謝謝WESHARE & Dr.Ci:Labo嘅安排，今次我試食嘅就係 Dr.Ci:Labo嘅美禪食~

Dr.Ci:Labo我都有聽過，不過只係知道佢係一間出名護膚公司，原來仲有一系列瘦身美容飲品嘅產品。我今次試用嘅就係佢地顧客最愛產品TOP10中第五名嘅美禪食~

其實一向我都因為身體體質問題，係唔可以食內服嘅減肥產品。不過留意到Dr.Ci:Labo以禪食為基本，添加合計30種以上的穀類及高營養價值的蔬菜、豆類，另外還加上具有高效美膚效果的膠原蛋白和維他命C以及食物纖維。有助於控制卡路里攝取，並能補給滿足肌膚、健康需求的充分營養。

美禪食精心調配的美味口感，十分順口，可與牛奶、豆漿等一起沖泡飲用，而且亦方便，利用附送嘅小杯就可以好好控制分量啦~

打開包裝係啡啡地色既粉狀物~

美禪食係透過代替1日3餐中的1餐進行瘦身實驗，所以我就決定左係每朝早沖一杯嚟飲，仲可以陪小小豬一齊飲奶，嚟個親子早餐時間添！

Dr.Ci:Labo特別推薦搭配豆漿沖泡，因為豆漿內含黃酮素，幫助瘦身不瘦胸，更增添美味。

既然有推薦，所以我都係參考佢依個飲法，不過就一星期加以豆漿沖泡兩次，其他時間就用牛奶沖泡。

先把美禪食撕開包裝倒入小杯，然後加豆漿後調勻就完成啦~

美禪食要完全融解需要點時間，所以係需要慢慢調勻，先可以完全融解~

不論係豆漿定係牛奶，雖然我每次都努力咁慢慢調勻，都總係有少少沒有完全融解於豆漿內，所以都有啲啲粒粒狀物，不過咁都幾特別，因為口感上有點像飲緊果凍加豆漿嘛！

味道方面都，美禪食唔會有太明顯的味道，同平日飲豆漿及牛奶都沒有方別呀~

我暫時試了十日，感覺很唔錯，飲用後從沒有出現腹瀉、 肚痛等副作用，只覺得小便次數比平日多。飽肚感方面我又覺得OK，起碼當早餐飲完之後，到下午二點幾先開始感覺到有少少餓意。

至於體重方面，始終我都只係試食了十日，只係一盒中的三分一，所以我覺得暫時都就沒有太大分別係正常嘅，不過我會繼續努力呀！

 

More Information :
Website：http://www.ci-labo.com.hk/
Facebook：https://www.facebook.com/drcilabo.hk?fref=ts

紅菜頭湯

24 JUNE 2014(TUE)

話說前幾日姨媽嚟探小豬媽嘅時候，買左好幾個手掌咁大啲紅菜頭俾小豬媽煲湯飲。啲紅菜頭真係好大粒，所以今日就嚟煲個既簡單又好有益嘅紅菜頭湯啦~

其實我地之前都唔識煲紅菜頭湯，唔好話煲就連聽到好少聽，係小豬媽針灸嗰位醫師介紹，我地先識煲依個湯。

原來一個簡單嘅紅菜頭，佢嘅功效都好廣，可以補血養顏、護肝排毒。真係任何人都可以飲，連小朋友都可以飲呀！

材料都係非常簡單，只係一個紅菜頭(如果係普通街市冇大嘅，就可以用兩個細代替)、番茄五粒、薑兩大舊~

先將紅菜頭去皮切塊，成個紅菜頭都好有營養，所以啲葉同莖都一樣可以拎埋嚟煲湯呀~

番茄切開四件~

薑連皮切開一半，之後拍鬆佢備用。其實薑係可以因應個人口味加減，由於我鐘意薑嗰種辣辣地嘅口感，所以先咁多啦~

隨水將紅菜頭及薑放入煲內開始煲~

煲左大約二十分鐘之後，就可以將蕃茄加埋入去煲~

最後再用中火煲多大約四十五分鐘，之後落少少鹽~

一個簡單又有益嘅紅菜頭湯就完成，除左可以有湯飲之外，啲湯料都一樣可以食呀~

老實講，依小豬媽開頭煲嗰幾次，我都唔多肯飲，只係好勉強咁飲左一碗，因為都真係唔多習慣飲咁"紅"嘅湯。不過飲多幾次，又發覺又真係幾好飲，加上又可以排毒咁有益，所以依家每次煲嘅時候我都會自動自覺咁大大碗飲幾碗呀！

其實好多朋友都有加埋肉嚟煲，不過針灸師話最好有營養就係只落依幾樣簡單材料，有需要時就加埋紅蘿蔔同粟米就得啦！

小遊戲大訓練

22 JUNE 2014(SUN)

雖然天氣唔好冇得去街街玩，不過都可以係屋企開心親子一番！ 因為大肥豬買左盒考平衡嘅益智遊戲，既可親子又可以做小訓練，真係刺激又好玩呀~

依個小遊戲就係TOPPLE，大肥豬係啲細細間嘅玩具店見到，最好就係個價錢都只係三十幾蚊，所以就買左返嚟等我地一齊玩啦~

依個遊戲主要就係輪流將啲小棋放上個平衡架上面，個平衡架只有一個接觸點，所以係好考平衡、定力同耐性，因為一大力啲啲，個平衡架就會左搖右擺，好易跌哂啲棋落枱面就輸會左啦~

其實最正確嘅玩法就係擲骰仔，擲到幾多號就放回所屬嘅層數~

不過小小豬都始終仲係細，仲未會好好掌握到個力度同埋個平衡，為免加添個難度，所以暫時我地嘅玩法就係三個人隨意咁輪住放上去個平衡架上面。

開頭小小豬都唔太願意玩，不過經我地一輪教導同示範，小小豬開始明白個玩法，所以都好用心咁慢慢將啲棋放上去啦~

今日我地玩左幾次，小小豬表現一次比一次好，啲平衡、定力同耐性都有少少進步，因為玩左幾次之後，真係見到小小豬係好慢慢咁輕輕手放上平衡架，都總算係明白左依個遊戲嘅重點。

當然小小豬都總係有失敗嘅時候，不過我覺得失敗左都係另一個好好嘅訓練。因為小小豬嘅性格都係啲唔認輸、任何事都要做第一嘅小朋友，所以我都希望透過依個遊戲，令小小豬明白所有事都唔一定要第一，輸左唔重要，唔洗發脾氣，最重要係玩嘅過程開心，同埋下次再努力就可以得到勝利。

其實，我覺得要令小小豬明白依個道理比訓練佢啲平衡仲要困難，不過我地都會繼續KEEP住努力教，希望令小小豬明白依個道理。

我覺得小朋友要有個想贏嘅好勝心係好，不過始終唔會次次都係你贏，唔可以一有少少錯就影響到情緒。所以我地依家主要都係培養小小豬依一方面為大前提，希望小小豬接受到輸贏嘅結果，贏左嘅唔好驕傲，繼續保持一個平常心；輸左嘅都唔洗唔開心，只要下次再努力，一定會嬴返。

依啲心態唔好話小朋友，就連我地大人有時都未必做到。不過我覺得可以趁依家嘅小朋友學習黃金期，可以重依啲方面著手重啲，希望慢慢可以培養出依個好心態，因為識得輸...才會得到最後嘅勝利！

試用：「5度熱」下身瘦專研熱霜

22 JUNE 2014(SUN)

繼試用「5度熱」上身瘦專研熱泡(請按此)，PR姐姐亦都俾左「5度熱」下身瘦專研熱霜我試用~

「5度熱」創新熱瘦配方，不合辣椒或薑等刺激成份，減低敏感嘅機會。體温是消耗脂肪的關鍵元素，而透過現代科研技術，體温是消耗脂肪的關鍵元素，而透過現代科研技術，「5度熱下身瘦專研熱霜」把熱瘦技術濃縮成專利配方，其集中性熱力能有效打擊後天性虛寒肥，更直接、更針對性地有效瘦腿減寸~

質地呈CREAM狀，不過入面會有啲橙色小顆粒，以用作加速誘發熱力，更直接地有效瘦腿減寸~

稍稍按摩幾下就吸收晒啦~

其實用法同「5度熱」上身瘦專研熱泡一樣，都係每晚沐浴或用熱毛巾熱敷後，把瘦身熱霜塗於掌心，再以打圈按摩數分鐘至熱霜完全吸收即可，用後無須須清洗~

當塗上「5度熱」之後，按摩有需要位置只需要3分鐘就已經被吸收，當按摩後大約十分鐘，那種熱力就慢慢開始感覺到，感到該部位有一陣熱力由底層滲出，而不是表皮上發熱。不過比起「5度熱」上身瘦專研熱泡，明顯這個的熱力利害啲，同埋維持時間都長啲。好在按摩完之後就入冷氣房瞓覺，所以都可以接受到。

我集中用於大腿及小腿上，都係每隔兩日按摩一次，用左大約兩星期，同樣都係未見有明顯的修身效果，始終依啲產品都要用一段長時間先可以睇到明顯效果嘛！不過用完後身體冇出現任何不適及敏感情況，都可以接受哦。

 

"是次產品及資料由theZtyle.com提供"

 

More Information :

Website： http://www.5degreeup.com/
Facebook：https://www.facebook.com/pages/5-Degree-Up-5%E5%BA%A6%E7%86%B1-%E7%86%B1%E8%83%BD%E7%98%A6%E8%BA%AB%E5%B0%88%E5%AE%B6/538206072871049

試用：「5度熱」上身瘦專研熱泡

22 JUNE 2014(SUN)

首先多謝PR姐姐邀請，有機會可以試用「5度熱」上身瘦專研熱泡~

我叫得做小肥豬，當然係人如其名，我係屬於肥嘅一族啦！睇相好多人都話我唔肥，當然啦...因為我係以著衫嚟收收埋埋我啲肥肉，我嘅「麒麟臂」、「大肚腩」真係會驚嚇親大家，所以PR姐姐邀請試用時，我都即刻答應，希望可以攪攪佢，等我夏天同小小豬去游水時，著起泳衣都唔好太嚇人嘛~

「5度熱」創新熱瘦配方，不合辣椒或薑等刺激成份，減低敏感嘅機會。體温是消耗脂肪的關鍵元素，而透過現代科研技術，「5度熱上身瘦專研熱泡」把熱瘦技術濃縮成專利配方， 其集中性熱力能有效打擊後天性虛寒肥，更直接、更針對性地有效消脂減寸， 燒走「大肚腩」或「麒麟臂」~

噴射式的設計，一按就係瘦身泡泡，真係十分方便，按出來嘅泡泡都好豐富呀~

輕輕推開，好快便吸收~

用法好簡單，每晚沐浴或用熱毛巾熱敷後，首先搖勻熱泡，把瘦身熱泡 (如乒乓球尺寸) 塗於掌心，然後用掌心按壓需要瘦身的部位，令燒脂成份直接逼進脂肪層，最後用掌心打圈按摩數分鐘至熱泡完全滲透即可，用後無須清洗~

由於主要係利用體温嚟消耗脂肪，所以依個熱泡嘅熱力真係唔可以睇少。開頭按摩時都未發覺有咩異樣，不過按摩後就慢慢開始感覺到嘅熱力，不過依種熱力都唔算太利害，暖暖嘅感覺都好特別，完成整個按摩過程後，好似有一陣熱力由底層滲出，而不是表皮上發熱，而且個熱力都維持到一個鐘頭呀！

我集中用係手臂上，我隔兩日按摩一次，用左大約兩星期，明顯的修身效果就暫時未睇到，始終依啲產品都要用一段長時間先可以睇到明顯效果。不過我用完之後就感覺都手臂有拉緊的感覺，而且手臂亦都冇出現任何不適及敏感情況。

 

"是次產品及資料由theZtyle.com提供"

 

More Information :

Website： http://www.5degreeup.com/
Facebook：https://www.facebook.com/pages/5-Degree-Up-5%E5%BA%A6%E7%86%B1-%E7%86%B1%E8%83%BD%E7%98%A6%E8%BA%AB%E5%B0%88%E5%AE%B6/538206072871049

Electrolux吸塵機新體驗

21 JUNE 2014(SAT)

首先多謝PR姐姐邀請，今日我地三口子去左Electrolux嘅showroom參觀，同埋試用吸塵機，原來依家嘅吸塵機好型仔呀~

坦白講，我對吸塵機都係仍然停留左係左係大大部好難收藏嗰啲款式，亦都因為依個原因，所以我係自己屋企都冇買到吸塵機，因為真係冇位擺嘛！

今次最主要就係去了解「Ergorapido 2 in 1 直立式無線吸塵機」~

小小豬都好有興趣哦~

玩左一陣就可以開始聽PR姐姐介紹，依兩部Ergorapido 2 in 1 直立式無線吸塵機就係今日嘅主角~

先嚟睇吓姐姐為我地準備嘅介紹片先~

哈哈...PR姐姐介紹完之後，就為我地實戰介紹~

其實依部吸塵機都真係十分利害，獲得2014 Red Dot Design Award - Best of The Best 德國紅點設計[最佳設計]大獎。Ergorapido 2 in 1 直立式無線吸塵機以二合一無線設計，配合全新"自立功能"，再加上180度靈活扒頭同埋BRC嘅簡易滾軸清潔設計，所以都真係非常方便同埋慳位呀~

除左一般使用之外，仲可以拆出嚟吸啲枱上、窗台或者電器用品隙縫嘅塵，都真係非常方便呀~

吸塵機內嘅塵袋體積細細，不過都可以吸到好多塵，而且最好就係可以水洗呀~

姐姐介紹完之後，就到一班小幫手出動，試用吸塵機啦~

一班可愛嘅小幫手~

當小幫手係度試緊吸塵機嘅時候，PR姐姐亦為我地介紹嚟緊Electrolux下一個推廣項目，就係空氣淨化機~

依部空氣淨化機我覺得唔算嘈都幾靜，同埋只要各房間打開門，可以淨化到整間屋嘅空氣。PR姐姐話可以用係廚房，咁就可以淨化到啲煮嘢食嘅油煙味添呀~

最後嚟個大合照，就完成左今日依個活動啦~

主辦單位仲送左一部「Ergorapido 2 in 1 直立式無線吸塵機」俾我地，當收到時小小豬都不知幾開心，仲話要即刻返屋企吸塵添呀~

等我用多一段時間，熟習晒啲功能之後，再同大家作詳細分享啦！

 

More Information :
Website： http://www.electrolux.com/
Facebook：https://www.facebook.com/Electrolux