Studio Harcourt Paris

10 OCTOBER 2013(THU)

首多謝PR姐姐邀請，今日同小豬媽仲有LULU妹去左IFC， 參觀Studio Harcourt Paris~

依個展覽商場於中庭，以巴黎第8區鄰近香榭麗舍大道現址的攝影工作室面貌，當中仲展示多件首次於海外曝光的法國國家級珍藏~

展覽場地內展示左22張名人列跨時代人物的黑白肖像，當中包括著名法國詩人藝術家Jean Cocteau (尚．高克多)、西班牙畫壇巨匠Salvador Dali (薩爾瓦多．達利)、西方性感象徵Brigitte Bardot (碧姬．芭鐸)、「法蘭西之吻」Sophie Marceau (蘇菲．瑪素)、 奧斯卡女主角Marion Cotillard (瑪莉安．歌迪雅)、時裝界老佛爺Karl Lagerfeld、中國當代畫家岳敏君，以及楊紫瓊、范冰冰、黃秋生等亞洲知名影星~

除此之外，場外四周亦擺放左40件於海外首次曝光的Studio Harcourt Paris國家級攝影遺產珍品，包括名人Brigitte Bardot (碧姬．芭鐸) 親筆撰寫的明信片、1940年代由Studio Harcourt Paris拍攝封面的報紙、1943年歌劇《Les Inséparables》的劇照明信片以及三部古董相機等等，這些珍藏為法國國家攝影遺產的一部份，亦從未於海外公開展出呀~

到左我地今日依個重要環節，就係去試影黑白照啦！

展覽場內特設三部「Studio Harcourt光影照相室」，其中包括兩部首次登陸亞洲的「Studio Harcourt雙人經典光影照相室」。光影照相館的外觀採用了貫徹Studio Harcourt風格的酷黑色調及雍容紅簾的設計，巧妙散射燈光及調色，營造經典的「Studio Harcourt光圈」效果~

在場會有一名職員幫我地做好準備，那位職員會好細心地幫我調教合識位置，仲教我地應該係點影添~

有三次拍攝機會，可以從三張相中揀選最靚嘅列印出嚟呀~

完成啦~

PR姐姐仲好好人，見我地一行三個人，所以安排我地影多一張~

哈哈...睇唔清楚，等我影近啲先~

坦白講，其實我之前都幾唔鐘意影黑白照，所以大家都應該好少見我放啲黑白照同大家分享。不過Studio Harcourt Paris所影嘅黑白照我又覺得幾摫，佢嘅色出嚟就好似好有時代感，同埋冇普通嗰啲咁沉實實，整體上又真係唔錯呀！

最衰小小豬今日要返學，帶唔到佢嚟影，唔知小小豬影依啲黑白照會係點呢？PR姐姐話雖然依部機係主要影雙人，不過佢都見過有啲三人家庭嚟影，效果都唔錯添。哈哈...等我WEEKEND抽個時間都帶小小豬去影吓先得。

展覽期間，只要於商場消費滿一定數目或通過參加Facebook現場投票活動，從22張傳奇黑白肖像中投選心水作品，就有機會換取「Studio Harcourt光影照相室」體驗禮券，又或者直接投入港幣100元，就可以影番張靚靚嘅黑白照啦！

整個活動展覽至十月十三日(星期日)，如果大家有興趣去影番張靚相，或者想去參觀一吓珍貴嘅展品，咁就記得捉緊時間啦！

有關是次展覽及推廣活動之詳情可瀏覽ifc商場網頁、Facebook 、Twitter、新浪微博專頁



我地嘅FACEBOOK專頁，你LIKE左未呀~


記得關注埋我地個微博呀~


仲可以電郵俾我地添~