38個月大的小小豬

10 OCTOBER 2013(THU)

又大一個月，小小豬已經係38個月大啦！

今日放學同小小豬去左買件小蛋糕仔，同佢慶祝一吓啦~

秋天開始，好多餅店都陸續推出粟子蛋糕，真係啱晒我，因為我係勁鐘意食粟子蛋糕呀！今日同小小豬行過美心，見到好多款粟子味嘅蛋糕同 CUPCAKE，真係好想買晒嚟食。不過，今日得我同小小豬兩個人，所以就買件細細嘅兩母子SWEET SWEET吓，等搵其他機會買埋其他唔同款食先得。

依件小CUPCAKE係小小豬揀呀~睇佢有得食個樣幾古靈精怪~

小小豬已經38個月，真係越大一個月佢就越叻，我指嘅叻係佢嘅"百厭功"。越大就越有自己主見，所以有時我地叫佢做嘢時，佢都好似想以自己方法去做。雖然...有自己主見係一件好事，不過有時佢所想嘅嘢又真係唔合情理(同有少少危險)。

趁佢依家仲細慢慢修正返，原來教一個小朋友真係要好有耐性，真係要繼續努力，好好咁教好小小豬呀！

當然，除左"百厭功"之外，小小豬亦都有窩心一面，越大個就越識關我佢身邊人嘅感受。雖然佢唔識表達，不過一個動作、一個表情，就足夠我地心甜。

所以話呢....如果小小豬唔扭計時，真係可以冧C人呀！