小訓練 - 圖形空間

17 OCTOBER 2013(THU)

今日同小小豬玩左個小遊戲，睇吓佢玩得幾開心~

其實依個小遊戲就係同圖形空間有關，教我地玩嗰位姑娘話，小小豬依個年級係需要加強對圖形空間嘅訓練，咁對日後空間概念都會有幫助，所以就教我地同小小豬玩啦~

其實依個小遊戲都好易玩，依照咭紙上的圖形指示，放上不同形狀就完成啦！

教左一次之後，小小豬就好鐘意玩，仲好專心又認真添~

 砌啱左睇吓佢幾開心~

其實姑娘話依咭紙上砌都係屬於初階，不過亦都係識合小小豬依家嘅程度。不過如果再大個仔多啲啲，應該係可以於空白位置都可以砌出圖形，咁先係成個空間概念最好嘅練習呀~

雖然姑娘話小小豬依個年紀係未適合，我地都有同小小豬試吓加強難度，當然係唔成功啦！

我都明白始終未到合適年紀係唔可以迫，所以都慢慢嚟啦！等小小豬玩多啲、練習多啲，加上佢又咁鐘意玩，相信好快就會識依個玩法啦！

從遊戲中學習都幾好呀，既可以玩又可以學到嘢，真係可以話係WIN WIN雙贏呀！等我搵多啲唔同類型小遊戲，再同小小豬再玩先得。