OUR SWEET FAMILY@SOGO FACE ~ 1

16 OCTOBER 2013(WED)
話說我地上星期六一行九人去左SOGO FACE影家庭照，今日有得去睇相啦~

其實點解我地會去影依輯家庭照？就係因為係我生日嗰日，我地三口子同小豬媽去左某一間影樓影相，由於嗰個係團購嚟，所以質量當然係差少少。就係因為咁，的起左小豬媽個引，話想一家人去玩吓。由於之前我同小小豬係SOGO FACE都影過兩輯，覺得佢地都幾OK，所以就BOOK左約埋大家一齊去影靚相啦！

不過，當日我地好唔好彩撞啱一個新手攝影師，再加上小小豬狀態勁唔得，所以都唔敢抱太大期望，只希望我地全體影嘅全家幅小小豬係正經望鏡頭，我都已經好滿足啦！

可能係冇期望之下，今日去睇相又覺得啲相都算OK，雖然小小豬都冇乜笑容，不過起碼叫做正面望鏡，都可以接受。原來當日我地影左都有158張相，經過我同小豬媽嘅努力，終於揀左55張相走。

當日我地影左兩套衫，好啦...唔講咁多，先同大家分享第一套先啦(不過始終都有其他家庭成員，所以我唔POST晒出嚟啦)

先嚟當然係小小豬同佢小豬媽&小豬爸~

當然唔少得我地三口子啦~

 仲有SWEET SWEET嘅小豬媽&小豬爸~

仲有我同小豬媽呀~

 點都要同大家分享一張家庭照啦~

 仲有另一套係集體親子裝，留待下個網誌繼續同大家分享啦！