睡寶寶

2 OCTOBER 2013(WED)

自從小小豬返學之後，我嘅可用時間真係少左好多。平日一早就同小小豬係屋企玩，玩到夠鐘就食飯就帶返學，之後接放學，跟住就返屋企煮飯等等。雖然有大肥豬幫我手湊小小豬，又會幫我手做家務，不過自己私人時間真係少左啲啲，連帶行街SHOPPING都少左，所以我都好耐冇行街街啦！

之前冇時間SHOPPING都會去睇淘寶，不過買左幾次有貨不對辦經驗之後，就少左淘淘SHOPPING。雖然依家冇乜時間行街街，不過好在依家都有好多唔同公司係FACEBOOK開左啲專頁，好多都係日本...外國咁入貨，所以依家我又可以係屋企網購啦！(即係又方便我去敗家啦...不過我都好節制，所以暫時出事率都唔算高....哈哈哈)

小小豬係一個勁爛瞓嘅小朋友，瞓著左就會蹬被，成日露出啲衫，咁好易病嘛，所以由小小豬細個時，我都有買睡袍俾佢，等佢瞓著左都有個保護。

不過，隨著小小豬開始大個仔，有自己嘅主意，佢對舊有嘅睡袍開始唔肯著。佢唔鐘意係因為舊有嘅睡袍係包晒成身，就連腳仔都係包住晒，所以小小豬就唔鐘意啦！

佢唔肯著我又唔想太迫佢，所以都好想快啲搵到件可以露腳嘅睡袍，終於搵左好耐，就好似早前係某個FACEBOOK，見到依一款睡袍，所以就即刻訂左俾小小豬啦~


係一件睡袍嚟呀~

雖然睇就好似好大件，不過著左上身又覺得啱啱好~


睇吓個睡寶寶~

依件睡袍係類似藍球衫質地，都比較透氣，所以著住都唔會好焗，但又可以保護都小小豬啦！有左依一件睡袍，咁就唔洗擔心小小豬冷親啦！



我地嘅FACEBOOK專頁，你LIKE左未呀~


記得關注埋我地個微博呀~


仲可以電郵俾我地添~