撐枱腳

18 OCTOBER 2013(FRI)

對上一次同大肥豬兩個撐枱腳都耐都唔記得左係幾時，今日大肥豬下午DAY OFF，所以送完小小豬返學，就可以趁機會兩公婆撐枱腳啦~

今日我地撐枱腳地點就係依度~

依間餐廳形式嘅茶樓都聽朋友介紹過話好食(朋友介紹嗰間係天后總店)，當係小小豬學校附近見到依間分店時，每一次路經都好想入嚟試吓，不過一個人去飲茶又好似怪怪咁，叫得多嘢食又怕一個人食唔晒，所以一直都冇入試過。終於趁今日有大肥豬係度，可以試到啦！

點心紙都特別啲呀~

好啦...開餐啦...睇吓我地食左啲乜~

雖然唔係叫左好多嘢食，不過以上食物都足已令我地好飽飽。

依個環境都真係唔錯，坐得都好舒服，唔會好迫迫夾夾咁。雖然啲食物都算好食，但我又分別唔出同普通茶樓啲味道有什麼唔同，又唔似冇朋友仔口中介紹咁好食(不過....可能係我唔識食啦)。