19 OCTOBER 2013(SAT)
上次嚟鯉魚門三家村小小豬玩拋石頭都玩到不知幾開心,見今日天氣都真係好好,所以約埋小豬媽同LULU妹,一齊再入鯉魚門行吓,吹吹風順便又俾機會小小豬去玩拋石頭呀~開頭我地都唔打算咁快就去海邊,諗住周圍行吓先。不過依個小小豬好似認得條路咁,當我地一入到鯉魚門,佢就好似帶路咁,帶我地行去個石灘度,仲邊行邊同小豬媽講嗰度有拋石頭玩,見佢咁熱情,所以都唔掃佢興,先去石灘等佢地兩婆孫玩吓先啦~
依個小小豬仲不停咁叫小豬媽執石頭俾佢拋添~
可能係第二次玩,依個百厭小小豬玩得大膽左呀~
玩左一陣拋石頭,之後就附近個小公園休息一陣,之後兩婆孫又一齊玩吹泡泡啦~
當然唔少得玩小公園啦~
平日小小豬都好少主動去搵其他小朋友一齊玩,今日佢竟然主動同個差唔多年紀嘅姐姐一齊玩。哈哈哈....大個仔啦...開始識女仔啦~
玩左一陣,我地就同小豬媽去附近餐廳TEA吓休息一吓,之後就送小豬媽同LULU妹去三家村碼頭,因為嗰度有船可以返西灣河,搭船方便啲嘛!
當我地送小豬媽船時,睇吓依個小小豬幾唔捨得小豬媽~
開開心心又過左一個下午,小豬媽仲話嚟依度搭船好方便,所以下次我地再入嚟玩,一定要叫埋佢,等佢陪小小豬再玩過呀!
沒有留言:
發佈留言