迪迪尼合家歡日

14 OCTOBER 2013(MON)

今日係假期，剛好又係迪迪尼銀咭日，所以又可以約埋小豬媽、小豬爸同埋LULU妹一齊入去玩返轉啦~

不過亦都因為今日係銀咭日又係假期，真係勁多人，再加上今日又間斷咁落雨，既多人又落雨情況下，真係玩得唔係咁盡慶添！

今日第一個節目就係去睇3D，小小豬入園咁多次，今次都係第一次睇呀。因為小豬爸未睇過，再加上當時要避雨，所以就最好去室內活動啦~

開頭都好擔心小小豬唔鐘意睇會扭扭計，不過估唔到小小豬又幾OK，雖然開頭都唔多肯戴個3D眼鏡，不過之後就好專心，仲伸手想去捉啲3D效果添！

之後就到小小豬最鐘意環節(其實應該係我最鐘意...哈哈)，就係去搵啲朋友仔影相啦！今次啲朋友仔係小小豬主動帶我地去呀！

首先就係PLUTO~

之後就到MICKEY~

最後就到高飛~

繼續行程，原本小豬媽想同小小豬一齊影南瓜，不過依個百厭仔鬧緊情緒，所以就小豬媽自己影啦~

小小豬為乜緊情緒？咪就係因為要去玩小小世界！

入嚟咁多次，都係第一次咁多人呀！其實我都打算走唔排，不過小豬媽同小豬爸都話小小豬鐘意，就陪佢排一陣啦！(又一次證明佢地鍚到依個小小豬燶呀)~

不過好在都算排得快，排左唔洗三十分鐘就可以上船啦~

今日第二個第一次..就係睇酊雨天巡遊啦~

講真...真係有少少失望，當時又唔係大雨，仲乜唔做返飛天巡遊哦？小小豬都好鐘意睇巡遊嘛！不過.....我地都要尊重迪迪尼決定，留返下次入園再睇巡遊啦！

終於都到左小小豬最想玩嘅活動，就係去明日世界玩水啦！

不過玩水前要先去渣車先~

開始玩水啦~

今之入園帶左個小盤去，原來係想等小小豬問完哥哥姐姐拎糖之後放入去。點知原來今日係連派糖活動都冇，冇得玩添！不過帶左入去都冇白帶，因為小小豬係玩水時竟然識得問我地拎嚟玩呀~

 由於天氣都唔係咁好，所以我地行埋SHOP之後就走啦~

小小豬今日嘅戰利品，小豬媽送嘅大眼帽...型仔嗎~

今日雖然玩得唔係太盡量，不過一家人一齊玩又真係幾開心，期待下一個銀咭日，又可以一齊入嚟玩啦！