MyBB試用小隊 - Gerber鮮果乳酪乾

30 OCTOBER 2013(WED)

今日依個為食豬又有口福啦，睇佢係度究竟兩包新零食個認真樣~

首先多謝MY BB.COM嘅試用小隊，今次小小豬可以試食到新出嘅Gerber鮮果乳酪乾啦！

其實Gerber係我地各位媽媽心目中都真係一啲都唔陌生，相信都總會買個一啲產品俾小朋友食。小小豬都係其中一份子，佢都可以話係食星星餅大呀！

今次推出嘅兩款乳酪乾分別係蜜桃味同雜莓味，係用真正乳酪同鮮果製造，而且不含防腐劑，人造甜味同香料，所以真係絕對可以放心俾BB食~

鮮果乳酪乾同星星餅一樣都係細細粒，一樣可以訓練小朋友嘅小手肌肉，同埋訓練數數，真係可以既食之外又可以做訓練，一舉兩得呀~

係未俾小小豬食之前，我先試吓。一打開密封膠袋已經嗅到好香嘅蜜桃及雜莓味道。口感方面覺得比星星餅脆一點，一放進口就很快被溶化，味道濃郁但又唔會覺得好甜。所以話唔止小小豬，就連我都覺得幾好食，食左好多粒呀！

睇小小豬個為食開心古靈精怪樣，就知佢有幾鐘意食啦~

有興趣了解更多Gerber產品，可到以下網址瀏覽，http://www.nestle.com.hk/brands/Baby/Gerber/Pages/home.aspx
 

雪耳紅蘿蔔粟米煲豬展湯

29 OCTOBER 2013(TUE)

今晚小豬爸同小豬媽嚟食飯，所以要煲個靚湯孝敬佢地先得。

依家秋涼天氣好乾燥，要煲返個滋潤湯水，所以就煲個簡單又極潤嘅 - 雪耳紅蘿蔔粟米煲豬展。

咁滋潤好飲嘅湯，小小豬當然都鐘意啦~

 一早起身就同小小豬落街市去買齊所有材料啦~

首先雪耳－浸軟，之後剪去中間嘅袪除污物，再切開細細舊~

準備四粒蜜棗及將紅蘿蔔及粟米洗乾淨切件~

連同清洗乾淨嘅豬展，將以上所有材料放於煲內用大火滾起，繼續以大火煲約一小時~

原本係需要轉小火煲約1.5-2小時，不過我準備同小小豬返學，所以就將滾起的湯放入真空煲內KEEP住煲~

基本上個湯都係真空煲內煲左大約五個鐘，所以個味都係夠晒。帶左小小豬放學返嚟之後，將個湯再用明火煲多大約四十五分鐘~

熄火前下少許鹽，一個好味嘅靚湯就煲好啦~

其實我都鐘意(亦都係習慣左)煲老火湯都係用真空煲，既方便唔洗睇火之餘，仲可以開少啲媒氣，最好就係我覺得個味道唔會因為冇全用明火有所影響，一樣咁好飲呀！

大埔海濱公園

27 OCTOBER 2013(SUN)

今日比平日返主日學都仲要早起身，因為要跟奶奶去參加佢屋村所舉行嘅秋季一天遊。

我地第一個目的地就係大埔海濱公園，係好之前我同大肥豬都嚟過一次影相，不過小小豬就未嚟過，所以佢都好好奇咁呀~

一入到公園又嚟周圍走啦~

行過水池唔知點解佢突然勁興奮，仲係度不停唱歌呀~

原本想同小小豬去草地周吓，不過好晒呀，最後都係回歸塔附近走走~

 為左今次個活動，我買左支泡泡槍俾小小豬玩，睇佢玩得幾開心~

 好見泡泡呀...見到咁多泡泡真係人都開心啲呀(其實我真係好鐘意睇泡泡呀)~

仲係度擺POSE，型仔嗎?~

由於之後要去其他地方，所以係公園都係逗留左一個鐘多少少，真係玩得唔夠盡慶呀！趁秋天天氣唔錯嘅時候，要再帶小小豬嚟玩吓先得呀！

其實今日話就話係一天遊，不過其實都係半天團。一早起身就集合，之後就坐大約一個鐘頭車去大埔海濱公園玩一個鐘多少少，就要去鯉魚門食LUNH，食到一點左右就自由時間(亦即係活動結束嘅時候)。

不過，屋村旅行就係咁，算啦....開開心心咁玩左一個上午都算幾好啦！

Ramen Champion

26 OCTOBER 2013(SAT)

其實Ramen Champion都開左有一段時間，次次嚟到都好想食，不過又唔知點解最後又試唔到。終於係今日，趁大肥豬要去IKEA買嘢時，可以試到啦~

Ramen Champion嘅賣點...當然係獎門人啦~

一入到餐廳就會俾張咭我地，原來係ORDER嘢食時就登記，到食飽飽之後先去收銀處俾錢呀~

 Ramen Champion入面有六間拉麵店，每一間都有佢地嘅特式，所以都幾花多眼亂。我行左都有四轉都未揀到，最後就食依兩間啦~

無限大嘅豚肉餃子拉麵~

BUTA GOD嘅豚骨醬油拉麵~

 雖然兩款都係豚骨拉麵，可能個製造方法唔同，兩種唔同風格，兩款都幾好食。不過，我同大肥豬都一樣係比較鐘意食無限大嘅豚肉餃子拉麵，個湯底比較清，同埋豚肉比較淋身呀！

睇吓小小豬食得幾滋味，仲好似係度賣緊廣告咁呀~

走嘅時候，路過打鼓位，那位好好嘅日本廚師主動俾小小豬玩，個傻豬仔仲玩到唔肯走呀~

依度個環境都真係唔錯，啲服務員又NICE，坐得又舒服，所以下次都可以再嚟依度，可以試埋其他嗰幾間呀！

哈囉喂3D馬卡龍

25 OCTOBER 2013(FRI)

早前係CLASSIC嘅FACEBOOK專頁見到有哈囉喂3D馬卡龍活動，我當然唔執輸登記埋一份。好好彩我抽中左有得去MY BAKING DIARY學整呀。

依個就係我嘅製成品，都算見得吓人啦~

其實今次我地整嘅係鬆弛熊嘅HALLOWEEN系列，先嚟睇吓導師個SAMPLE，佢整得真係好靚，我見到時都諗"究竟我可唔可以整到呢？"~

雖然可以整到導師咁靚真係冇乜信心，不過即管試一試，玩吓啦~

糖霜同杏仁粉拌勻~

砂糖分三次打入蛋白~

加顏色，用刮刀輕力由底部往上翻伴~

加進擠花袋內~

努力吱吱中~

正當導師幫我地拎去風乾同入爐焗之際，就開始整公仔啦~

一向做小手工唔係咁叻嘅我，都真係整得幾頭痕，不過猜猜吓又真係幾好玩。依三個公仔都猜左成個鐘，都可以話係成個課堂上最耐嘅一環節。

初形出左啦~

等我點埋睛先~

說時遲那時快...馬卡龍焗好啦~

夾埋個涵先~

將啲公仔擺埋上去就完成，可以食啦~

由於啲馬卡龍又蛋白又有朱古力，依兩樣都係小小豬大禁忌，所以佢又試唔到我嘅製成品啦！

當然個糖膠公仔就唔食得，導師話風一晚等完全乾晒就可以當一個擺設，都可以擺兩至三個月。

個馬卡龍方面，味道又真係唔錯，我覺得又唔係太甜，都幾好食呀！(不過....因為導師冇俾個食譜我地，所以想係屋企跟住個份量自己整都唔得啦！)