好味冰皮

22 SEPTEMBER 2012(SAT)

 
其實我一向都唔太好月餅，不過每一年中秋節，我都好想食朱古力流心月餅，不過我年年都好遲先記得去買，所以成日都買唔到。不過，我今年終於都可以食到啦！

事緣我有一個朋友仔送左張COUPON我，所以趁今日路過美心，我就早少少去換啲冰皮返屋企啦~

\\

可能我都算早換，所以可以買到心太軟啦！除左換左心太軟之外，我仲換左楊支甘露、同埋最新出嘅魔鬼脆脆，仲有一盒紅豆味俾小小豬食呀~


想食咁耐.....當然第一時間就食個心太軟先啦~

不過可能我溶得唔夠耐，所以個心都未流得出嚟，仲係一舊咁呀~

雖然未做到流心個感覺，不過整體上都真係好好味，唔甜得嚟又好香朱古力味，所以話好在今年早左買，可以食到好嘢啦！