又有戰利品

今日小豬媽去飲，所以....又要自己攪個晚餐啦！

由於今日要夜D放工，所以就等埋LULU妹放工就約左出太古城食晚餐，順便幫大肥豬拎番上個星期小豬媽買俾佢嘅過大禮西褲啦！

當我地食飽飽同拎左西褲之後，我地行過一間小小嘅精品店，見佢做大特價哦，當然入去八掛吓啦！

嘩~~~唔知係唔係特價關係，真係好抵呀！最後我當然抵受唔住，買左幾對耳環同一條手鏈呀！

買左幾樣野，真係好抵，一百蚊有找，D耳環仲話係防敏感呀！

雖然唔知係唔係真，不過當用嚟襯吓衫仔都好呀！

哈哈~~又嚟大洗錢啦！