結婚上好多野都已經準備好，除左過大禮野之外，就好似仲有租車未攪。所以尋日去完拎油畫之後，就去左金都睇吓D租車資料啦！
其實我地都唔知點入手好，我都地只係打算租一部普普通通嘅主車同一部24座VAN。都有問過一D朋友仔拎過資料，不過大肥豬話問多幾間比較吓好D呀！
我地入左公司問吓價，發現真係好海鮮價，有D就乜都包晒，有D就講都自己點好，所以都好難揀。有一間都好似幾好，不過我地都仲未有決定，打算再考慮下先，下星期先去BOOK。
所以由尋晚開始，就好勤力咁上ESD睇下其他姊妹嘅留言。發現我地睇中嗰間都有D唔係幾好嘅回應，所以都唔知點好啦！你地有冇聽過金都一樓嘅天使婚禮，好唔好呀？
原來租車都幾煩呀~~~又怕車唔好，又怕唔準時，點好呢？
所以就想問下有冇姊妹可以介紹一下又平又抵又好服務嘅租車公司俾我，等我可以快D解決依個難題啦！
沒有留言:
發佈留言