心理作用

今日我竟然做左一件白痴嘅事呀！

唔知仲乜今日成日都好口渴，轉個頭就飲晒支水，係依個時候....當然入去茶水部湛水啦....個件傻野就係依個時候開始

我去嗰電子熱水煲度湛滿個水杯，一口氣就飲左大半杯。我一路飲都覺得好唔對路...點解D水一D到熱，仲凍???之後我就睇清楚個熱水煲~~原來佢係煲緊，嗰粒煲水制係著左，不過...唔係太光，所以我睇唔到呀。但唔知點解部水機又冇D煲水聲.....好慘呀.......

救命呀！原來D水係未煲緊...即係我飲左成大半杯水喉水呀！

之後，成日個胃都好唔舒服，仲有D想嘔嘅感覺呀~又食唔落野，唔知係心理作用定係真係有事呢！遲D再係咁就要去睇醫生啦~~

我將件事話俾大肥豬聽，佢仲笑我傻呀！真係唔開心啦~~~