面對現實

由初二開始病，都一直未好番....都食左好幾日西藥，食到個人都....痴痴地，仲唔知係唔係D西藥燥，塊面都開始生粒粒，好慘呀！

媽咪都一早已經叫我去睇中醫，不過我怕飲嗰D苦藥，所以一直都唔去睇。

今日我竟然好乖，自動自覺同媽咪講叫佢放工陪去睇中醫。真係好慘，個中醫師話我感冒入根(都唔知係乜，話好嚴重啦)，要連續飲三日藥先得，仲叫我要番去睇多次呀！

嘩~~我一聽到話要飲三日藥，都真係打左個特，飲一日都已經夠辛苦，仲要飲三日.....諗起都怕怕。不過為左要好番，都真係要面對現實....照飲啦~~不過就要麻煩媽咪幫我煲啦！

我就係咁衰...次次唔係去到最辛苦嘅時候，到唔會去飲嗰D苦茶。