意外收獲

今日唔知仲乜成個下午個電話都有問題，只可以間歇性地打出同打入，(媽咪話成個下午都就嚟打爆我個電話，都諗唔到我)。打去客戶服務HOTLINE問吓仲乜事啦~~點知嗰D人.....態度又唔係咁好，只係話好果你熄左再開都唔得，就冇辦法啦，要拎去整呀！

於是放工就約埋媽咪去左門市部問點解，個職員真係好好，幫我CHECK吓部機，又話依排個公司提升緊，所以會有時收得唔係咁好呀！後來個職員話可能係SET野問題，佢幫我整好左，又好細心教我點再防止依個情況發生。佢個服務態度真係超好呀！

係我地整緊機嗰時，媽咪係度睇D 3G電話，因為爸爸唔知仲乜成日都話要轉電話。傾傾吓...個職員就介紹左NOKIA 6288俾佢，仲做零機價，媽咪見咁低，就問左爸爸之後買左啦~~媽咪又再問吓佢有冇N70特價(佢一出就已經好鐘意呀，不過太貴唔捨得買呀！)，佢又介紹左個超平PLAN俾佢，俾半價就得啦！媽咪豪不考慮就成交左....雖然出機價係好抵，但要簽好長約呀！

雖然唔係我俾錢，但睇見媽媽碌咭....我都有少少肉痛呀！

走嗰時媽咪就話我部電話真係SHORT得合時，如果唔係要去整機，佢就唔會陪我去，佢又唔會有依個意外禮物呀！

依家兩部新電話都係度叉電，聽日攪好晒我就會好忙啦！因為佢地唔識玩，要我幫佢地SET好晒所有野....一次過有兩部電話玩，都唔知係開心定唔開心呀。有得玩新電話....但都唔係自己嫁~~