家長日

平時嘅星期日，我係會好好暢快地哂訓到成十二點幾呀！

不過...今日冇噤好啦....

事關學校今日舉行家長日。雖然我唔係老師，唔洗見家長，但我到要返工呀！要留係OFFICE聽電話，真有少少唔開心呀！好在都係返半日，仲有一個下午俾我去吓街街，都唔洗咁慘。

今日見到好多媽咪同D小朋友番嚟見家長，等我又諗番起自己細細個嘅家長日呀！

因為媽咪工作關係，基本上我小學所有家長會都係唔洗見，只係老師係家長日前派張成績表俾我，話會打電話同我媽咪傾，最後都冇左件事。所以個個同學仔都好羨慕我，唔洗經歷依個俾老師篤背脊嘅機會

。但佢地又唔明白我，每年個個同學仔都可以有屋企人陪番去拎成績表，我自己又冇，好似有D同人地唔同，有少少似異族咁。

所以…當年我都會係舉行家長日前後日子會好唔開心呀。

不過隨住自己慢慢長大，唔開心嘅心情開始減少啦~因為明白到爸爸媽咪佢地都係為左要養我地，先無時無刻咁努力做野。我相信如果可以的話，佢地都係好想出席，只不過係時間上嘅問題。