大遲到

今日照樣係平日個時間起身，用平日嘅速度梳洗、換衫。一心諗住一定會準時返工啦！

點知.....唔好運已經來臨我身上！

都唔知仲乜，我等車都等左好耐呀！本來係度等小巴....都有幾架經過，不過就冇位.....到等巴士啦...都唔知仲乜又冇車經過，最後諗住搭的士啦~原本都好快有車，點知又俾個衰人係我面前折左.....真係好鬼死激氣呀！

最後都係數數分鐘後，俾我搭到架的士，不過個司機又超安全.......終於都要遲左成大半個鐘先返到去，仲要以九秒九速度跑入OFFICE，真係好『魚』呀！

好在老細見唔到...如果唔係又俾佢話啦~~

有時真係諗，你越心急，就越做唔到你想做嘅野。都唔知個天係唔係想考驗我！