貪心的司機叔叔

今天因為仲未好番哂，唔係好想等車，所以就用左一個最方便同最貴嘅交通工具返工-----的士。

我一上到車就發現右邊有一大袋紙袋(我估係上手遺留左)，我就不奇然好大聲話：仲乜有袋野嫁。個司機一聽到就叫我即該俾佢(基本上我冇時間睇袋野係乜東東)，話會嘗試俾番個物主。

我個人都傻吓傻吓，咪依佢講俾袋野佢，等佢開車啦~

點知佢一路開車，一路就話嗰D人點唔小心，又話都應該係D拜年野，找唔到個物主，都應該冇問題…總之佢俾我個感覺就係想自己要左袋野啦！

我一落車就打電話話俾媽咪，話佢知個司機D衰野啦！點知媽咪仲話我蠢，應該睇吓係乜先出聲，依家好明顯益左個司機。

算啦！雖然我都知係益左個司機，但我係一個誠實嘅小肥豬，唔會貪心嫁，因為我相信『好人有好報』。